Nuwe deurbraak in navorsing oor Cannabis-blare
Anti-oksidatief, -inflammatories en -karsinogenies
Fenoliese verbindings is gesog in die farmaseutiese bedryf vir hul anti-oksidatiewe, anti-inflammatoriese en antikarsinogeniese eienskappe en die analise beklemtoon die medisinale potensiaal van Cannabis-plantmateriaal.
Analitiese chemici van die Universiteit Stellenbosch (US) het die eerste bewyse gevind van ’n seldsame klas fenole, genaamd flavo-alkaloïede, wat in Cannabis-blare voorkom.
Fenoliese verbindings, veral flavonoïede, is welbekend en gesog in die farmaseutiese bedryf vanweë hul anti-oksidatiewe, anti-inflammatoriese en antikarsinogeniese eienskappe.
Die navorsers het 79 fenoliese verbinding geïdentifiseer in drie Cannabis-plantlyne wat kommersieel in Suid-Afrika gekweek word, waarvan 25 vir die eerste keer in Cannabis teëgekom is. Sestien van hierdie verbindings is tentatief as flavo-alkaloïede geïdentifiseer. Interessant genoeg is die flavo-alkaloïede hoofsaaklik in die blare van slegs één van die stamme aangetref. Hierdie resultate is onlangs in die Journal of Chromatography A gepubliseer.
Dr. Magriet Muller, ’n analitiese chemikus in die LC-MS-laboratorium van die sentrale analitiese fasiliteit (SAF) by die US en eerste outeur van die artikel, sê die analise van plantfenole is uitdagend as gevolg van die lae konsentrasies waarin hul vookom en hul ekstreme strukturele diversiteit.
“Die meeste plante bevat hoogs komplekse mengsels van fenoliese verbindings, en alhoewel flavonoïede wydverspreid in die planteryk voorkom, is die voorkoms van flavo-alkaloïede in die natuur baie skaars,” verduidelik sy.
MEER AS 750 METABOLIETE
“Ons weet dat Cannabis uiters kompleks is – dit bevat meer as 750 metaboliete – maar ons het nie so ’n groot variasie in fenoliese profiele tussen slegs drie stamme verwag nie, nog minder om soveel verbindings vir die eerste keer in die spesie bloot te lê nie. Dit was veral opwindend om die eerste bewyse van flavo-alkaloïede in Cannabis te ontdek.”
Vir haar nagraadse studie in die US se departement chemie en polimeerwetenskap het sy kragtige analitiese metodes ontwikkel wat omvattende tweedimensionele vloeistofchromatografie en hoëresolusie-massaspektrometrie kombineer vir die gedetailleerde karakaterisering van fenoliese verbindings.
“Nadat ek die metodes wat ek ontwikkel het suksesvol op rooibostee, druiwe en wyn getoets het, was ons op soek na ’n nuwe toepassing van die metodes. Ek het besluit om dit op Cannabis toe te pas op grond van die kompleksiteit van die monster, en omdat Cannabis-fenole nog nie goed gekarakteriseer is nie,” verduidelik sy.
MEDIESE POTENSIAAL
Volgens Prof. André de Villiers, haar studieleier en hoofouteur van die artikel, was hy verstom deur die chromatografiese resultate wat Muller verkry het: “Die uitstekende skeidingsvermoë van tweedimensionele vloeistofchromatografie het dit moontlik gemaak om die flavo-alkaloïede te skei van die flavonoïede wat baie meer volop is, en daarom kon ons vir die eerste keer hierdie seldame komponente in Cannabis waarneem”. Hy staan aan die hoof van die navorsingsgroep in analitiese chemie in die US se departement chemie en polimeerwetenskap.
De Villiers sê dit is voor die hand liggend dat daar nog baie is om te leer uit die bestudering van Cannabis, aangesien die meeste navorsing in hierdie veld tot op hede gefokus het op die farmakologiese eienskappe van die cannabinoïede wat die gemoed beïnvloed.
“Ons analise beklemtoon die medisinale potensiaal van Cannabis-plantmateriaal, wat tans as afval beskou word. Cannabis toon ’n ryk en unieke nie-cannabinoïede profiel wat relevant kan wees vanuit ’n biomediese navorsingsperspektief,” sluit hy af. - Universiteit Stellenbosch
Fenoliese verbindings, veral flavonoïede, is welbekend en gesog in die farmaseutiese bedryf vanweë hul anti-oksidatiewe, anti-inflammatoriese en antikarsinogeniese eienskappe.
Die navorsers het 79 fenoliese verbinding geïdentifiseer in drie Cannabis-plantlyne wat kommersieel in Suid-Afrika gekweek word, waarvan 25 vir die eerste keer in Cannabis teëgekom is. Sestien van hierdie verbindings is tentatief as flavo-alkaloïede geïdentifiseer. Interessant genoeg is die flavo-alkaloïede hoofsaaklik in die blare van slegs één van die stamme aangetref. Hierdie resultate is onlangs in die Journal of Chromatography A gepubliseer.
Dr. Magriet Muller, ’n analitiese chemikus in die LC-MS-laboratorium van die sentrale analitiese fasiliteit (SAF) by die US en eerste outeur van die artikel, sê die analise van plantfenole is uitdagend as gevolg van die lae konsentrasies waarin hul vookom en hul ekstreme strukturele diversiteit.
“Die meeste plante bevat hoogs komplekse mengsels van fenoliese verbindings, en alhoewel flavonoïede wydverspreid in die planteryk voorkom, is die voorkoms van flavo-alkaloïede in die natuur baie skaars,” verduidelik sy.
MEER AS 750 METABOLIETE
“Ons weet dat Cannabis uiters kompleks is – dit bevat meer as 750 metaboliete – maar ons het nie so ’n groot variasie in fenoliese profiele tussen slegs drie stamme verwag nie, nog minder om soveel verbindings vir die eerste keer in die spesie bloot te lê nie. Dit was veral opwindend om die eerste bewyse van flavo-alkaloïede in Cannabis te ontdek.”
Vir haar nagraadse studie in die US se departement chemie en polimeerwetenskap het sy kragtige analitiese metodes ontwikkel wat omvattende tweedimensionele vloeistofchromatografie en hoëresolusie-massaspektrometrie kombineer vir die gedetailleerde karakaterisering van fenoliese verbindings.
“Nadat ek die metodes wat ek ontwikkel het suksesvol op rooibostee, druiwe en wyn getoets het, was ons op soek na ’n nuwe toepassing van die metodes. Ek het besluit om dit op Cannabis toe te pas op grond van die kompleksiteit van die monster, en omdat Cannabis-fenole nog nie goed gekarakteriseer is nie,” verduidelik sy.
MEDIESE POTENSIAAL
Volgens Prof. André de Villiers, haar studieleier en hoofouteur van die artikel, was hy verstom deur die chromatografiese resultate wat Muller verkry het: “Die uitstekende skeidingsvermoë van tweedimensionele vloeistofchromatografie het dit moontlik gemaak om die flavo-alkaloïede te skei van die flavonoïede wat baie meer volop is, en daarom kon ons vir die eerste keer hierdie seldame komponente in Cannabis waarneem”. Hy staan aan die hoof van die navorsingsgroep in analitiese chemie in die US se departement chemie en polimeerwetenskap.
De Villiers sê dit is voor die hand liggend dat daar nog baie is om te leer uit die bestudering van Cannabis, aangesien die meeste navorsing in hierdie veld tot op hede gefokus het op die farmakologiese eienskappe van die cannabinoïede wat die gemoed beïnvloed.
“Ons analise beklemtoon die medisinale potensiaal van Cannabis-plantmateriaal, wat tans as afval beskou word. Cannabis toon ’n ryk en unieke nie-cannabinoïede profiel wat relevant kan wees vanuit ’n biomediese navorsingsperspektief,” sluit hy af. - Universiteit Stellenbosch
Kommentaar
Republikein
Geen kommentaar is op hierdie artikel gelaat nie