Mobiele planetarium bereik duisende
‘Poort na ’n blinker toekoms’
Die plaaslike sakegemeenskap het ook hul gewig agter die projek ingegooi.
Yolanda Nel - Sedert die amptelike bekendstelling van die Afrika Millimeter Teleskoopprojek (AMT) in Mei verlede jaar het dié mobiele planetarium reeds 12 000 mense bereik.
Die planetarium is deur die AMT-projek aan die Universiteit van Namibië (Unam) geskenk met die doel om dit na gemeenskappe te neem.
Zandré Duvenhage, die woordvoerder van die projek, verduidelik nie almal kan wetenskaplikes word nie, maar die projek kan dalk net die manier verander hoe studente wiskunde en wetenskap ervaar en benader.
“Deur die projek wil ons Namibiërs nuuskierig maak en leer hoe om probleemoplossers te wees,” het hy gesê.
Van die uitdagings wat die projek ervaar, is logistieke reëlings aangesien dit moeilik is om die planetarium by afgeleë plekke te kry.
Die plaaslike sakegemeenskap het ook hul gewig agter die projek ingegooi, met Godwana Collection wat sy verblyfgeriewe beskikbaar stel vir die span wat deur die land reis.
Die Lithon-stigting het ’n voertuig aan die span beskikbaar gestel, terwyl die stigting ook administratiewe ondersteuning bied. Nedbank Namibia het ook onlangs N$450 000 oor die volgende drie jaar bewillig, terwyl Fly Namibia vir die volgende twee jaar een maal per maand ’n gratis vlug aan die span sal borg.
Fly Namibia se algemene bestuurder, Nerine Uys, sê dit is meer as net blote samewerking.
“Dit is die poort na ’n blinker toekoms vir die kinders van Namibië. Ons glo in die mag van lugvaart om mense te verbind. Saam maak ons die deure oop na ’n wêreld van moontlikhede,” het sy gesê.
Foto’s wat ’n blik gee op die laaste 18 maande van die projek word tans as deel van die Open Up-foto-uitstalling by Village Garden uitgestal.
– [email protected]
Die planetarium is deur die AMT-projek aan die Universiteit van Namibië (Unam) geskenk met die doel om dit na gemeenskappe te neem.
Zandré Duvenhage, die woordvoerder van die projek, verduidelik nie almal kan wetenskaplikes word nie, maar die projek kan dalk net die manier verander hoe studente wiskunde en wetenskap ervaar en benader.
“Deur die projek wil ons Namibiërs nuuskierig maak en leer hoe om probleemoplossers te wees,” het hy gesê.
Van die uitdagings wat die projek ervaar, is logistieke reëlings aangesien dit moeilik is om die planetarium by afgeleë plekke te kry.
Die plaaslike sakegemeenskap het ook hul gewig agter die projek ingegooi, met Godwana Collection wat sy verblyfgeriewe beskikbaar stel vir die span wat deur die land reis.
Die Lithon-stigting het ’n voertuig aan die span beskikbaar gestel, terwyl die stigting ook administratiewe ondersteuning bied. Nedbank Namibia het ook onlangs N$450 000 oor die volgende drie jaar bewillig, terwyl Fly Namibia vir die volgende twee jaar een maal per maand ’n gratis vlug aan die span sal borg.
Fly Namibia se algemene bestuurder, Nerine Uys, sê dit is meer as net blote samewerking.
“Dit is die poort na ’n blinker toekoms vir die kinders van Namibië. Ons glo in die mag van lugvaart om mense te verbind. Saam maak ons die deure oop na ’n wêreld van moontlikhede,” het sy gesê.
Foto’s wat ’n blik gee op die laaste 18 maande van die projek word tans as deel van die Open Up-foto-uitstalling by Village Garden uitgestal.
– [email protected]
Kommentaar
Republikein
Geen kommentaar is op hierdie artikel gelaat nie