Winterreën in Swakopmund

"Reën", "winter" en "Swakopmund" is nie drie woorde wat dikwels in dieselfde sin gebruik kan word nie, dog is die resultaat asemrowend mooi. Hannah van Rensburg het die pragfoto's van Swakopmund se mees ikoniese geboue op die Facebook-groep Reën in Namibia geplaas nadat die kusdorp Vrydag reën ontvang het. "Swakopmund het vandag 'n bietjie reën gekry, toe moes ek maar 'n paar foto's van ons waterplasse neem," het sy geskryf.