Vyfde natse April in 45 jaar
Relatief koel maand
Sommige dele van die land het egter steeds ondergemiddelde reënval ontvang.
Die afgelope April was die vyfde natste op rekord in die afgelope 45 jaar en het die laagste April-temperature sedert 2011 aangeteken.
Die Namibiese Meteorologiese Dienste het in sy jongste reënvalbulletin berig dat die meeste dele van die land bogemiddelde reënval gedurende die maand ontvang het.
Sommige dele van die land het egter steeds ondergemiddelde reënval ontvang, veral in die verre noordooste en suidweste van die land, die meeste dele van die Erongostreek en die verre noordwestelike dele van die Kunenestreek.
Volgens die reënvalbulletin vir April is normale reënval slegs op enkele plekke in die binneland aangeteken.
Reënval het gewissel van geen reën in die suidweste tot ’n maksimum van 164 mm in die noordooste. Die bulletin het gesê die droogste gebiede het die kusstreke, dele van die noordweste en die suidwestelike binneland ingesluit.
“’n Groot deel van die binneland het egter matige reënval ervaar, tussen 20 mm en 164 mm.”
Die Namibiese Meteorologiese Dienste het gesê die hoogste reënvalsyfer is by Ndonga Linena in Kavango-Wes aangeteken, met ’n totaal van 164 mm.
“Dit is opmerklik dat April 2025 die vyfde natste April in die afgelope 45 jaar was.”
Volgens die bulletin word hierdie reënval toegeskryf aan die invloed van die La Niña-fase van die El Niño-Suidelike Ossillasie (Enso), wat gedurende die maand geheers het.
Dele van die streke van ?Kharas, Hardap en Otjozondjupa, sowel as verspreide gebiede oor die sentrale en noordelike streke, het normale reënval ontvang.
Intussen lui die bulletin dat die reënvalseisoen van Oktober 2024 tot April 2025 in Namibië gekenmerk is deur bogemiddelde reënval oor die grootste dele van die land. In teenstelling hiermee het die Suidweste vir die derde agtereenvolgende jaar ondergemiddelde reënval ervaar.
Die bulletin lui sommige dele van die suidwestelike Otjozondjupa, Hardap, ||Kharas en noordoostelike Kunene het gemiddelde reënval gehad.
“As die hele seisoen in ag geneem word – vanaf Oktober 2024 tot April 2025 – het Namibië oor die algemeen amper bogemiddelde reënval ontvang.”
KOEL MAAND
Wat temperature betref, was April 2025 oor die algemeen ’n relatief koel maand oor die grootste deel van Namibië.
Die meerderheid van die land het gemiddelde temperature tussen 20 grade Celsius en 24 grade Celsius ervaar.
Relatief koel toestande, met gemiddelde temperature onder 16 grade Celsius, is in dele van die noordoostelike streek waargeneem.
Die bulletin meld dit was die warmste in April in die noordwestelike en verre noordoostelike dele van die land, waar gemiddelde temperature tussen 24 grade Celsius en 26 grade Celsius gewissel het.
Wydverspreide afkoeling is waargeneem in gebiede soos Erongo, Hardap en dele van die suidelike Khomasstreek, met temperature wat minus 1,8 grade Celsius bereik het.
“Dit was die koelste April sedert 2011, met minus 1,6 grade Celsius onder die gemiddelde van die 14 jaar wat ontleed is. Voor dit was April 2011 die koelste met minus 1,2 grade Celsius onder die 14-jaar gemiddelde.”
Die voorspelde gemiddelde temperature toon dat die meeste dele van die land, veral die sentrale, suidelike, oostelike en suidoostelike streke, koeler temperature onder 15 grade Celsius vir Junie, Julie en Augustus sal ervaar. Die noordelike en westelike dele van die land sal matige temperature tussen 15 en 20 grade Celsius ervaar.
– [email protected]
Die Namibiese Meteorologiese Dienste het in sy jongste reënvalbulletin berig dat die meeste dele van die land bogemiddelde reënval gedurende die maand ontvang het.
Sommige dele van die land het egter steeds ondergemiddelde reënval ontvang, veral in die verre noordooste en suidweste van die land, die meeste dele van die Erongostreek en die verre noordwestelike dele van die Kunenestreek.
Volgens die reënvalbulletin vir April is normale reënval slegs op enkele plekke in die binneland aangeteken.
Reënval het gewissel van geen reën in die suidweste tot ’n maksimum van 164 mm in die noordooste. Die bulletin het gesê die droogste gebiede het die kusstreke, dele van die noordweste en die suidwestelike binneland ingesluit.
“’n Groot deel van die binneland het egter matige reënval ervaar, tussen 20 mm en 164 mm.”
Die Namibiese Meteorologiese Dienste het gesê die hoogste reënvalsyfer is by Ndonga Linena in Kavango-Wes aangeteken, met ’n totaal van 164 mm.
“Dit is opmerklik dat April 2025 die vyfde natste April in die afgelope 45 jaar was.”
Volgens die bulletin word hierdie reënval toegeskryf aan die invloed van die La Niña-fase van die El Niño-Suidelike Ossillasie (Enso), wat gedurende die maand geheers het.
Dele van die streke van ?Kharas, Hardap en Otjozondjupa, sowel as verspreide gebiede oor die sentrale en noordelike streke, het normale reënval ontvang.
Intussen lui die bulletin dat die reënvalseisoen van Oktober 2024 tot April 2025 in Namibië gekenmerk is deur bogemiddelde reënval oor die grootste dele van die land. In teenstelling hiermee het die Suidweste vir die derde agtereenvolgende jaar ondergemiddelde reënval ervaar.
Die bulletin lui sommige dele van die suidwestelike Otjozondjupa, Hardap, ||Kharas en noordoostelike Kunene het gemiddelde reënval gehad.
“As die hele seisoen in ag geneem word – vanaf Oktober 2024 tot April 2025 – het Namibië oor die algemeen amper bogemiddelde reënval ontvang.”
KOEL MAAND
Wat temperature betref, was April 2025 oor die algemeen ’n relatief koel maand oor die grootste deel van Namibië.
Die meerderheid van die land het gemiddelde temperature tussen 20 grade Celsius en 24 grade Celsius ervaar.
Relatief koel toestande, met gemiddelde temperature onder 16 grade Celsius, is in dele van die noordoostelike streek waargeneem.
Die bulletin meld dit was die warmste in April in die noordwestelike en verre noordoostelike dele van die land, waar gemiddelde temperature tussen 24 grade Celsius en 26 grade Celsius gewissel het.
Wydverspreide afkoeling is waargeneem in gebiede soos Erongo, Hardap en dele van die suidelike Khomasstreek, met temperature wat minus 1,8 grade Celsius bereik het.
“Dit was die koelste April sedert 2011, met minus 1,6 grade Celsius onder die gemiddelde van die 14 jaar wat ontleed is. Voor dit was April 2011 die koelste met minus 1,2 grade Celsius onder die 14-jaar gemiddelde.”
Die voorspelde gemiddelde temperature toon dat die meeste dele van die land, veral die sentrale, suidelike, oostelike en suidoostelike streke, koeler temperature onder 15 grade Celsius vir Junie, Julie en Augustus sal ervaar. Die noordelike en westelike dele van die land sal matige temperature tussen 15 en 20 grade Celsius ervaar.
– [email protected]
Kommentaar
Republikein
Geen kommentaar is op hierdie artikel gelaat nie