Suide kry nóg reën, koue kom
Gobabis se krane stywer toegedraai
Die opgaardamme in die Suide, Ooste en sentrale dele se vlakke het effens gestyg.
Inwoners van Gobabis is dankbaar vir die goeie reënbuie in die dorp en omgewing met die gesamentlike damvlak wat effens gestyg het.
Op die dorp is tussen 34 mm en 38 mm gisteroggend uit reënmeters gegooi en 50 mm op die plot Kranz, wat vier kilometer buite die dorp geleë is.
Op die plaas Voortrekker 12 km oos van Gobabis het 55 mm uitgesak en 50 mm op die plaas Verneukpan, noordoos van die dorp. Noordwes van die dorp is op die plaas Harrem 22 mm gemeet en op Franshoek 18 mm. In die omgewing van Witvlei is 32 mm aangeteken en op die plaas Schonfeldt naby Drimiopsis het 22 mm geval.
Volgens die jongste dambulletin van NamWater is Gobabis se damvlakke kommerwekkend laag. Damvlakke het egter vanaf eergister tot gister gestyg met die Daan Viljoendam wat nou 7,1% vol is, die Tilda Viljoendam 4,7%, die Otjivero-hoofdam 4,6% vol, terwyl die Otjivero-slikdam op 1,7% staan.
Weens die lae damvlakke in die Ooste gaan die munisipaliteit van Gobabis krane stywer vir inwoners moet toedraai met waterbeperkings wat vanaf Maandag toegepas sal word totdat damvlakke styg. Waterbeperkings sal dan tussen 21:00 en 04:00 daagliks plaasvind.
Op Stampriet het 16 mm by die Roots-plaasprojek geval. Op Keetmanshoop het tot 55 mm reën gepaardgaande met hael Dinsdagnamiddag binne ’n uur uitgesak en op die plaas Ditsem is 22 mm gemeet.
Die Nautedam het ook invloei gehad en staan nou op 48,3% nadat dit verlede week 39,3% vol was. In die Suidweste is reën ook op Bethanie gerapporteer.
Al die Suidedamme, behalwe die Neckartaldam, se damvlakke het gestyg. Nadat die Hardapdam oor die afgelope twee dae invloei gehad het, het die damvlak vanaf 11,7% tot 12,7% gestyg.
Die Oanobdam by Rehoboth het ook invloei gehad en vanaf 42,3% tot 44,3% gestyg.
Ná reën in die sentrale streek, het die Von Bachdam se vlak van 11,1% tot 11,3% gestyg en die Omatakodam van 0,4% tot 0,6%. Die Swakoppoortdam is 38,2% vol na verlede week se vlak van 38,6%.
RIVIERVLAKKE
Die Kavangorivier by Rundu het die afgelope paar dae ’n toename in die watervlak van 5,37 m tot 5,45 m aangeteken.
Die watervlak van die Zambezirivier by Katima Mulilo staan op ’n rekordlae 1,28 m terwyl die Kunenerivier by Ruacana teen 578,1 kubieke meter per sekonde vloei.
Die watervlakke van die Benede-Oranjerivier by Blouputs het gisteroggend 0,56 m gemeet, terwyl die rivier by Sendelingsdrift op 0,4 m gestaan het.
Die Namibië Meteorologiese Dienste het gemaan dat koue toestande vanaf Sondag in die Suide verwag word.
– [email protected]
Op die dorp is tussen 34 mm en 38 mm gisteroggend uit reënmeters gegooi en 50 mm op die plot Kranz, wat vier kilometer buite die dorp geleë is.
Op die plaas Voortrekker 12 km oos van Gobabis het 55 mm uitgesak en 50 mm op die plaas Verneukpan, noordoos van die dorp. Noordwes van die dorp is op die plaas Harrem 22 mm gemeet en op Franshoek 18 mm. In die omgewing van Witvlei is 32 mm aangeteken en op die plaas Schonfeldt naby Drimiopsis het 22 mm geval.
Volgens die jongste dambulletin van NamWater is Gobabis se damvlakke kommerwekkend laag. Damvlakke het egter vanaf eergister tot gister gestyg met die Daan Viljoendam wat nou 7,1% vol is, die Tilda Viljoendam 4,7%, die Otjivero-hoofdam 4,6% vol, terwyl die Otjivero-slikdam op 1,7% staan.
Weens die lae damvlakke in die Ooste gaan die munisipaliteit van Gobabis krane stywer vir inwoners moet toedraai met waterbeperkings wat vanaf Maandag toegepas sal word totdat damvlakke styg. Waterbeperkings sal dan tussen 21:00 en 04:00 daagliks plaasvind.
Op Stampriet het 16 mm by die Roots-plaasprojek geval. Op Keetmanshoop het tot 55 mm reën gepaardgaande met hael Dinsdagnamiddag binne ’n uur uitgesak en op die plaas Ditsem is 22 mm gemeet.
Die Nautedam het ook invloei gehad en staan nou op 48,3% nadat dit verlede week 39,3% vol was. In die Suidweste is reën ook op Bethanie gerapporteer.
Al die Suidedamme, behalwe die Neckartaldam, se damvlakke het gestyg. Nadat die Hardapdam oor die afgelope twee dae invloei gehad het, het die damvlak vanaf 11,7% tot 12,7% gestyg.
Die Oanobdam by Rehoboth het ook invloei gehad en vanaf 42,3% tot 44,3% gestyg.
Ná reën in die sentrale streek, het die Von Bachdam se vlak van 11,1% tot 11,3% gestyg en die Omatakodam van 0,4% tot 0,6%. Die Swakoppoortdam is 38,2% vol na verlede week se vlak van 38,6%.
RIVIERVLAKKE
Die Kavangorivier by Rundu het die afgelope paar dae ’n toename in die watervlak van 5,37 m tot 5,45 m aangeteken.
Die watervlak van die Zambezirivier by Katima Mulilo staan op ’n rekordlae 1,28 m terwyl die Kunenerivier by Ruacana teen 578,1 kubieke meter per sekonde vloei.
Die watervlakke van die Benede-Oranjerivier by Blouputs het gisteroggend 0,56 m gemeet, terwyl die rivier by Sendelingsdrift op 0,4 m gestaan het.
Die Namibië Meteorologiese Dienste het gemaan dat koue toestande vanaf Sondag in die Suide verwag word.
– [email protected]
Kommentaar
Republikein
Geen kommentaar is op hierdie artikel gelaat nie