Reën val wyd en syd

Wydverspreide reënneerslae het die naweek voorgekom, veral in die droë Suide, met nog reën wat vir sekere streke voorspel word. Die Meteorologiese Dienste van Namibie voorspel matige tot swaar reënval met enkele tot geïsoleerde, maar geïsoleerde tot verspreide donderbuie wat in die Kunene, Erongo, Otjozondjupa, Khomas en Hardap kan voorkom.Goeie buie het in die Suide in die omgewing van Rehoboth, Keetmanshoop, Karasburg, Grünau, Leonardville, Gochas, Aranos, Aroab, Koës, Helmeringhausen en in die Namibwoestyn uitgesak.Ondanks buie van 10 mm wat op Mariental en tussen 18 mm en 29 mm wat by die Hardap-plotte voorgekom het, het die voorsitter van die Hardap Boerevereniging, Dawie de Klerk, aan Republikein bevestig dat daar geen invloei in die Hardapdam was nie. “Dit was net ligte buitjies, maar ongelukkig geen inloop nie,” het De Klerk gesê. Volgens die jongste dambulletin, staan die Hardapdam se vlak tans op 12,2% In die Noorde is tussen 14 mm en 18 mm uit die reënmeter in die Otavi-vallei gegooi, 19 mm by die Guinasmeer en 5 mm op Grootfontein. In Windhoek is tussen 5 mm en 50 mm in verskeie woonbuurte gemeet. Op Brakwater en die Elisenheim-landgoed noord van die hoofstad het ’n swaar haelstorm uitgesak met 50 mm wat binne 35 minute geval en skade aan bome aangerig het. Op die plaas Drie Krone, oos van Windhoek, het dit 30 mm gereën. – francoise@nmh.com.na

Reën val wyd en syd

Kommentaar

Republikein 2025-11-04

Meld asseblief aan om kommentaar te lewer

Reën val wyd en syd

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.