Nóg donderbuie gaan bulder

Noordoostelik en sentrale dele van Namibië het onder swaar donderstorms gesidder met nóg donderbuie wat vandag oor die noordelike en sentrale streke verwag word.Die Namibië Meteorologiese Diens het vir vandag ‘n weerwaak teen die waarskynlike voorkoms van kitsvloede uitgereik. “Tref asseblief die nodige voorsorgmaatreëls,” versoek die diens. Die weervoorspelling van vandag is gedeeltelik bewolk en warm tot baie warm met verspreide donderbuie, maar wydverspreide donderbuie in die Noordooste wat na die sentraal-oostelike dele sal uitbrei.Landwater het gister op Facebook geskryf hierdie is besonderse kragtige én hoë donderstorms en meermale van nature superselle-mesosiklone (roterende donderstorms wat deur besonderse kragtige stygstrome gevoed word).“Hulle lewer ook deurskiet-toppe – donderstorms wat kragtig genoeg is om tot die stabiele laer stratosfeer in te dring.”Intussen is berigte ontvang dat die Von Bachdam nou 81% vol is nadat 47 mm Woensdag by die dam gereën en Okahandja 30 mm ontvang het. Ook in die Okahandja-distrik het 41 mm op die Hochfeldpad uitgesak, asook 37 mm wes van Hochfeld.Windhoek het swaar donderstorms gehad met tot 50 mm wat Woensdag in die woonbuurte van Suiderhof, Hochland Park en Pionierspark en sy Uitbreiding 1 aangemeld is. In Elisenheim het 21 mm geval en Brakwater 11 mm. Gistermiddag het dit weer in en om die hoofstad gesous. Ander goeie reënvalsyfers wat Donderdag aangemeld is, is: 55 mm op plaas Orpheus tussen Kamanjab en Khorixas, op die plaas Bergen, suidoos van Tsumeb 42 mm, by Ombujomenge 10 km wes van Wilhelmstal 28 mm, op die plaas Butiaba by Leonardville 22 mm en by Leeulaagte 41 km suidoos van Oshivelo 16 mm. By Arnhem 20 km wes van Leonardville is 15 mm uit die reënmeter gegooi, asook by Wilheben 14 km noordnoordwes van Aranos en 11 mm op Areams tussen Aranos en Leonardville.Ook in die Suide het Houmoed tussen Stampriet en Aranos 8 mm gekry, asook Geikous noord van Leonardville en 7 mm by Matruh 20 km noordwes van Aranos, op die plaas Onverwacht 20 km suidoos van Dordabis en op die plaas Neumark by Blumfelde, 5,5 mm, Kameelpan 35 km noordoos van Leonardville 5 mm en by Alexandria 40 km noordnoordwes van Aranos 4 mm.In Otjiwarongo is 7 mm gemeet en ook in die Otjiwarongo-distrik het die plaas Etaneno by Kalkfeld 5 mm gekry. Selfs teen die kus het Swakopmund en Walvisbaai ligte reënbuie gekry. – francoise@nmh.com.na

Nóg donderbuie gaan bulder

Kommentaar

Republikein 2026-01-28

Meld asseblief aan om kommentaar te lewer

Nóg donderbuie gaan bulder

Kommentaar

Republikein 2026-01-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.