Kraaie gaan (behoorlik) gaap

Namibië sal na verwagting vir die res van die week en tot in die naweek baie warm tot bloedig warm weer ervaar, met temperature wat wissel van 36 °C tot 42 °C, het die Namibiese Meteorologiese Diens (Meteona) gewaarsku.Die hittegolf word veroorsaak deur ’n sterk hoëdrukstelsel wat stadig vanuit die Noorde na sentraal-Namibië beweeg. Die stelsel veroorsaak dat lug daal en verhit, wat tot verhoogde temperature lei.Die streke wat na verwagting die ergste geraak sal word, is Zambezi, Kavango-Oos en -Wes, Ohangwena, Oshikoto, Oshana, Omusati, Kunene en Otjozondjupa.Die hitte sal na verwagting teen môre die Khomasstreek bereik, voordat dit oor die naweek na die suidelike streke versprei. Die publiek word aangeraai om voorsorgmaatreëls te tref teen langdurige blootstelling aan hoë temperature, wat onder meer dehidrasie en hitte-uitputting kan veroorsaak.Mense word aangemoedig om baie water te drink, buitemuurse aktiwiteite te beperk en strawwe fisieke aktiwiteit tussen die middaguur en 15:00 te vermy.Hulle moet ook skaduwee soek of in goed geventileerde ruimtes bly. Besondere aandag moet gegee word aan die beskerming van kwesbare mense, veral bejaardes en babas.Meteona het gesê dit sal die stelsel bly monitor en opdaterings uitreik soos die situasie ontwikkel. – republikein@republikein.com.na

Kraaie gaan (behoorlik) gaap

Kommentaar

Republikein 2026-10-22

Meld asseblief aan om kommentaar te lewer

Kraaie gaan (behoorlik) gaap

Kommentaar

Republikein 2026-10-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.