Koue koekeloer

Die winter is amptelik hier met die koue wat sy opwagting gemaak het met 0,7 ˚C wat gisteroggend in die Suiderhof-woonbuurt in die hoofstad en op die plaas Alexandria, 40 km noordnoordwes van Aranos aangemeld is. Vandag se voorspelling vir die binneland is gedeeltelik bewolk en matig tot warm oor die Suide, maar elders sonnig en warm tot baie warm. Vandag se koudste temperature van 2 ˚C is vir Windhoek, Rehoboth, Gobabis en Okakarara deur die Meteorologiese Diens van Namibië (Meteona) voorspel. Henriette Crouse het gisteroggend die koue by Avisdam in Windhoek op haar kamera vasgevang.