Junie kouer as gewoonlik

Namibië het vanjaar sy vierde koudste Junie in die afgelope 14 jaar beleef.Die land het ’n gemiddelde oppervlaktemperatuur van 15,7 grade Celsius aangeteken, wat 0,7 grade Celsius onder die langtermyn-mediaan van die gemiddeld van 1991 tot 2020 was.Volgens die klimaatbulletin vir Junie wat deur die Namibiese Meteorologiese Diens uitgereik is, is lae gemiddelde temperature van tussen 10 grade Celsius en 16 grade Celsius oor die oostelike helfte en ook ’n klein gedeelte van die verre suidwestelike gedeeltes van die land aangeteken.Volgens die bulletin het die suidwestelike Namib en kusgebiede warmer temperature bo 17 grade Celsius weens ooswindtoestande ervaar. Die westelike gedeeltes van die Kunenestreek het gemiddelde temperature van bo 20 grade Celsius aangeteken.“Die Namibiese temperatuur-afwyking dui op verkoeling oor die sentrale en verre noordoostelike, Otjozondjupa- en Erongostreek,” lui die bulletin.Geen beduidende verwarming of verkoeling is in die suidelike, verre oostelike en noordwestelike gedeeltes van die land aangemeld nie, waar gemiddelde temperature binne die normale omvang van -0,5 grade Celsius tot 0,5 grade Celsius was.Sommige dele van dieselfde streke het verwarming van 0,5 grade Celsius tot 1 grade Celsius aangeteken. Ryp is in beide die sentrale en suidelike dele van Namibië aangemeld, met die suidelike gedeeltes waar dit meer gereeld voorgekom het.Met verwys na reënval tydens Junie, was dit meestal beperk tot die noordoostelike en suidelike streke van die land. Die reënval in die suidelike gedeeltes van die land is toegeskryf aan ’n frontale stelsel wat tipies geassosieer word met die winterseisoen. Volgens die bulletin is die hoogste reënval op Oranjemund aangeteken met 17,5 mm, terwyl die lughawe op Katima Mulilo 10,4 mm en die Zambezi Sentrum vir Beroepsopleiding op die dorp 8,7 mm gemeet het. Die meeste van die ander weerstasies het reënval van minder as 5 mm aangeteken, met die patroon wat volgens die bulletin ooreenstem met Namibië se tipiese droëseisoentoestande.– republikein@republikein.com.na

Junie kouer as gewoonlik

Kommentaar

Republikein 2025-07-22

Meld asseblief aan om kommentaar te lewer

Junie kouer as gewoonlik

Kommentaar

Republikein 2025-07-22

Meld asseblief aan om kommentaar te lewer

MELD AAN

Advertensie