Eerste koue slaan toe dié naweek

Namibiërs in die suide en sentrale dele van die land moet hulle staal teen ’n kouefront wat na verwagting teen Vrydag sy opwagting sal maak. Die kwik kan Saterdag tot onder 0 °C op Karasburg daal, terwyl Noordoewer asook Keetmanshoop ook baie koud sal wees, het Richard Nashikaku, hoofweervoorspeller by die Namibiese weerkantoor, gister aan Republikein gesê. Hy sê die weerkantoor sal waarskynlik vandag ’n weerwaak teen uiterste koue in die Suide uitreik. “Veral boere in die Karasburg-omgewing moet hul vee en gewasse teen die koue beskerm, want ons verwag erge koue, winderige weer en moontlik ’n bietjie reën,” het hy bygevoeg.Hy verduidelik die kouefront sal Karasburg en die Suide reeds teen Vrydag bereik, waarna dit teen Saterdag na die ooste en sentrale dele van die land sal versprei. Die Noorde sal waarskynlik nie geraak word nie en warm bly. Nashikaku sê geen reën word tans oor die binneland verwag nie, alhoewel daar wel ’n kleiner kans op reën vanaf Woensdag volgende week oor die sentrale en suidoostelike gebiede van Namibië bestaan. “Daar is ’n afsnylaag wat tans ontwikkel en dit is nog ver, maar ons hou dit dop,” het hy gesê. Volgens hom sal die naweek se maksimum temperature in veral die suide net 13 °C of 14 °C bereik. – elvira@republikein.com.na

Eerste koue slaan toe dié naweek

Kommentaar

Republikein 2026-02-04

Meld asseblief aan om kommentaar te lewer

Eerste koue slaan toe dié naweek

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.