Aus ’n ‘winter-sprokieswêreld’
Koue en winterreën
Dit was 'n naweek van buitengewone weerverskynsels met sneeu op Aus en reën oor dele van Namibië.
Inwoners van Aus was die afgelope naweek verheug toe sneeu Saterdagoggend in dié gebied geval het.
“’n Wit kombers het dié klein woestyndorpie bedek en dit omskep in ’n betowerende winter-sprokieswêreld. Aus staan inderdaad uit as ’n plek met die mees unieke weerverskynsels in Namibië.
“Van winterreën wat lewe gee aan asemrowende blomme tot versengende somerhitte - en nou die seldsame verskynsel van sneeu,” het Gondwana oor die naweek op hul Facebookblad gedeel.
’n Inwoner op die dorp het aan Republikein gesê dit is die eerste keer in 11 jaar wat dit op Aus sneeu, met die laaste sneeuvlokkies wat glo in 2012 geval het. Dit het volgens ’n ander bron ook in 1963 hier gesneeu.
Volgens Odillo Kgobetsi van die Namibiese weerkantoor is haelstorms in dele van die Suide ook aangemeld.
REËN
Die weerkantoor het Saterdag 9,1 mm reën op Koichab-pan aangeteken en die Gondwana Canyon Lodge naby Kanebis het 6,9 mm ontvang. Verder het 0,6 mm reën by Vogelfederberg naby Walvisbaai geval en 0,2 mm by Wlotzkasbaken.
Ligte reënval is ook oor die afgelope naweek by Mariental, Maltahöhe en Aroab, asook aan die weskus van Namibië aangemeld.
Rolf Hansen het kommentaar gelewer op ’n Facebook-video van reën op die pad tussen Usakos en Swakopmund en gesê sy sesjarige seun het vir hom gevra: “Pappa, is dit somer, want hoekom is daar baie wolke maar dit is báie koud?”
“Dit is absoluut vreemd, of eerder mal,” was Geraldine Schmid se kommentaar onder dieselfde video.
KOUE
Inwoners van Windhoek het ook oor die naweek temperature onder vriespunt op Facebook gedeel - met Laetitia Roos wat gesê het Ludwigsdorf was gisteroggend -3 °C en Barbara Blättler wat deel dat Suiderhof ook gister -4 °C was.
’n Inwoner van Rehoboth het ook gedeel dat die kwik daar tot -2 °C gesak het.
WEERVOORSPELLING
“Hierdie week se temperature lyk heelwat beter. Verwag nog koue lug in die vroeë oggende oor die Suidooste en oostelike dele, met ’n paar plekke onder vriespunt,” het Kgobetsi gesê.
Die Noorde sal na verwagting dié week warmer wees met temperature tussen 23 en 29 grade Celsius, en temperature in die Weste sal ook optel.
“Oor die volgende twee drie dae verwag ons warmer weer oor dele van Namibië. Aan die kus sal dit matig tot warm wees met temperature tussen 18 en 24 grade Celsius.”
–[email protected]
“’n Wit kombers het dié klein woestyndorpie bedek en dit omskep in ’n betowerende winter-sprokieswêreld. Aus staan inderdaad uit as ’n plek met die mees unieke weerverskynsels in Namibië.
“Van winterreën wat lewe gee aan asemrowende blomme tot versengende somerhitte - en nou die seldsame verskynsel van sneeu,” het Gondwana oor die naweek op hul Facebookblad gedeel.
’n Inwoner op die dorp het aan Republikein gesê dit is die eerste keer in 11 jaar wat dit op Aus sneeu, met die laaste sneeuvlokkies wat glo in 2012 geval het. Dit het volgens ’n ander bron ook in 1963 hier gesneeu.
Volgens Odillo Kgobetsi van die Namibiese weerkantoor is haelstorms in dele van die Suide ook aangemeld.
REËN
Die weerkantoor het Saterdag 9,1 mm reën op Koichab-pan aangeteken en die Gondwana Canyon Lodge naby Kanebis het 6,9 mm ontvang. Verder het 0,6 mm reën by Vogelfederberg naby Walvisbaai geval en 0,2 mm by Wlotzkasbaken.
Ligte reënval is ook oor die afgelope naweek by Mariental, Maltahöhe en Aroab, asook aan die weskus van Namibië aangemeld.
Rolf Hansen het kommentaar gelewer op ’n Facebook-video van reën op die pad tussen Usakos en Swakopmund en gesê sy sesjarige seun het vir hom gevra: “Pappa, is dit somer, want hoekom is daar baie wolke maar dit is báie koud?”
“Dit is absoluut vreemd, of eerder mal,” was Geraldine Schmid se kommentaar onder dieselfde video.
KOUE
Inwoners van Windhoek het ook oor die naweek temperature onder vriespunt op Facebook gedeel - met Laetitia Roos wat gesê het Ludwigsdorf was gisteroggend -3 °C en Barbara Blättler wat deel dat Suiderhof ook gister -4 °C was.
’n Inwoner van Rehoboth het ook gedeel dat die kwik daar tot -2 °C gesak het.
WEERVOORSPELLING
“Hierdie week se temperature lyk heelwat beter. Verwag nog koue lug in die vroeë oggende oor die Suidooste en oostelike dele, met ’n paar plekke onder vriespunt,” het Kgobetsi gesê.
Die Noorde sal na verwagting dié week warmer wees met temperature tussen 23 en 29 grade Celsius, en temperature in die Weste sal ook optel.
“Oor die volgende twee drie dae verwag ons warmer weer oor dele van Namibië. Aan die kus sal dit matig tot warm wees met temperature tussen 18 en 24 grade Celsius.”
–[email protected]
Kommentaar
Republikein
Geen kommentaar is op hierdie artikel gelaat nie