Regering bevorder binnelandse visboerdery

Die ministerie van visserye en mariene hulpbronne bevorder die ontwikkeling van binnelandse visboerdery, volgens die adjunkminister Silvia Makgone. Sy het onlangs gesê dat die regering reeds agt visplase en akwakultuursentrums landswyd gevestig het om in bedryf te bring. “Varswater akwakultuur is regeringsaangedrewe sektor en voorsien barbers en tilapia meestal vir voedselsekerheid op huishoudelike vlak in landelike gebiede,” het Makgone gesê.Die sentrums is volgens Makgone by die Hardapdam, Leonardville in Omaheke, Fonteintjie in //Kharas, Onavivi in die Omusati-streek, Ongwediva in Oshana, Mpumgu in Kavango-Wes, Kamutjonga in Kavango-Oos en in die Zambezistreek gevestig. Volgens die adjunkminister doen regeringsbeamptes inspeksies en assessering van die produksie en verspreiding van jong vissies, siektebeheer en gehalteverskering. Hulle doen ook navorsing ter ondersteuning van plaaslike visplaasondernemings vanaf hierdie sentrums en neem monsters vir watergehalte. “Hierdie dienste word tans gratis aangebied omdat daar beoog word om akwakultuur in die land te bevorder,” sê sy en voeg by dat die ministerie reeds 190 visplase van klein ondernemings so ondersteun. Makgone moedig entrepreneurs wat in visboerdery belang stel aan om die ministerie se streekskantore te besoek, waar hulp met die vestiging van visplase, watertoetse, asook die voorsiening van jong vissies beskikbaar is. Die ministerie verkoop jong tilapia-vissies teen 20 sent elk en teen 30 sent elk vir ‘n jong barbervissie, sê sy. “Die ministerie sal jou vordering monitor en sal ook bystand gedurende oestye lewer. Dit alles teen geen koste,” het Makgone bevestig.

Regering bevorder binnelandse visboerdery

Kommentaar

Republikein 2026-06-19

Meld asseblief aan om kommentaar te lewer

Regering bevorder binnelandse visboerdery

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.