Mensehandelskandaal tref twee visserskepe

Die Namibies geregistreerde visvangbesigheid wat sedert Vrydag in groot omstredenheid gedompel is weens sulke ernstige arbeidsoortredings op see dat die polisie dit as mensehandel beskou, is volgens die Konfederansie van Namibiese Visseryeverenigings (CNFA) nie een van sy lede nie.Voorsitter Matti Amukwa het gesê die beweerde oortredings is in stryd met die bedryf se gedragskode. Die regtehouer kan dus volgens hom nie &#039;n lid van die konfederasie wees nie.Erongo 24/7 se span aan die kus kon nog nie kontak met die besigheid maak or meer besonderhede oor die beweerde oortreder inwin nie.Mnr. Derek Klazen, minister van visserye en mariene hulpbronne, het gesê: "Ek is ontsteld deur die skokkende onthullings. Buiten vir mensehandel is oortredings van wetgewing oor mariene hulpbronne, arbeid en immigrasie ook ter sprake.Die Namibiese polisie het Vrydag bevestig dat 48 persone Donderdag in Walvisbaai se hawe van twee plaaslik geregistreerde skepe, die Shang Fu en Nata 2, ontruim is in vermoedelike gevalle van mensehandel.Die mag se woordvoerder, adj.komm. Kauna Shikwambi, het gesê visserye-inspekteurs het reeds in Junie bewus van die kwessie geword toe hulle Namibiese waters saam met die polisie patrolleer het. Daar was geen inspekteurs aan boord van die twee skepe nie en die vaartuie het ook nie oor sertifikate vir kwytskelding van die wetlike vereiste beskik nie. Hulle was blykbaar heeltemal onbewus van die Wet op Mariene Hulpbronne en verwante regulasies.Daar was 30 bemanningslede op elke skip.Die bemanning het 35 Filippyne, twee Taiwanese, twee Chinese, drie Indonesiërs, twee Viëtnamese, vier Mosambiekers, vier Angolese en agt Namibiërs ingesluit.Sommige is glo al sedert 2018 op die skepe.Die 48 individue wat ontruim is, het nie oor werkspermitte of visums beskik nie.Beweringe oor mishandeling, lang werksure sonder rus (net vier ure per dag) en onbeskikbaarheid van mediese behandeling vir die bemanning, asook die weiering van siekverlof is volgens Shikwambi deur die bemanning gemaak.NIE EEN VAN ONSVolgens Amukwa bestaan &#039;n ooreenkoms tussen die CNFA en alle vakbonde oor die diensvoorwaardes en werksomstandighede van seelui. Die beweerde oortredings is in stryd met die ooreenkoms."Hulle (die verdagtes) kan nie een van ons wees nie omdat ons lede deur die voorwaardes gebind word," het hy gesê. "Ons is &#039;n vreedsame en wetsgehoorsame nasie. Ons doen nie dinge soos die nie."Amukwa sê die konfederasie het geen gesag oor ondernemings wat nie lede is nie. "Dit is nie deel van ons mandaat nie."Die beweerde misbruik van hierdie mense is ongelukkig en as bedryf verwerp ons dit met die minagting wat die verdien."Die ministerie sal volgens Klazen sy volle ondersteuning aan owerhede gee met die ondersoek. Sodra &#039;n ondersoek afgehandel is, kan strawwe volgens Klazen uitgemeet word.Hy het visserye-waarnemers, -inspekteurs en die polisie vir hul redding van die bemanningslede geloof.Shikwambi het gesê klagte word teen die direkteure van die skepe se eienaar, Nata Fishing Enterprises, oorweeg. Die ondersoek duur volgens haar voort en die polisie sal beslag op die skepe as werktuie van misdaad lê.

Mensehandelskandaal tref twee visserskepe

Kommentaar

Republikein 2025-05-01

Meld asseblief aan om kommentaar te lewer

Mensehandelskandaal tref twee visserskepe

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie