WBCG waarsku teen kapings in SA

Namibiese vragmotorbestuurders wat in Suid-Afrika ry, word gewaarsku om op die uitkyk te wees vir kapers.Die uitvoerende hoof van die Walvisbaai-korridorgroep (WBCG), Mbahupu Tjivikua, het Dinsdag dié waarskuwing aan die plaaslike vervoer- en logistieke bedryf gerig.Hy sê kapings is ’n algemene verskynsel in Suid-Afrika, met die mees onlangse voorval wat op die N4-roete, in die omgewing van Rustenburg en Mafikeng op die Trans-Kalahari-korridor plaasgevind het.“Met hierdie jongste voorvalle word vragmotoreienaars, -bestuurders en vervoeroperateurs wat na en van Suid-Afrika reis vriendelik en dringend gewaarsku teen toenemende voorvalle van kapings wat die vragmotor en sy vrag teiken.“Vragmotorbestuurders loop ’n groot risiko om aangerand of selfs doodgemaak te word, en word daarom aangemoedig om waaksaam en versigtig te wees,” het hy gesê.Lorriebestuurders word verder aangeraai om in konvooie te ry en wanneer hulle iets ongewoons opmerk, dit by die betrokke wetstoepassers aan te meld.“In die betreurenswaardige geval van vragmotorbestuurders wat die slagoffer van ’n kaping word en hul identiteitsdokumente verloor, word hulle aangemoedig om die Namibiese ambassade in Pretoria vir bystand te kontak,” voeg hy by.Aino Humphry van die Namibiese hoëkommissariaat in Pretoria, het gesê Namibiese slagoffers kan haar kantoor kontak, en moedig vragmotorbestuurders aan om hul beplande roetes vroeg aan te meld wanneer hulle Suid-Afrika binnekom.Volgens haar is daar Namibiese beamptes wat selfs in noodgevalle na die toneel kan gaan en hulp aanbied, soos om noodreisdokumente uit te reik.Humphry sê daar was reeds twee of drie voorvalle verlede maand aangemeld.Verlede week het &#039;n Suid-Afrikaanse nuusuitsaaier &#039;n onderhoud met ’n kenner Richard Brussow gevoer waarin hy uitgebrei het oor die toenemende praktyk waar misdadigers metaalpenne op hoofpaaie gooi om voertuie tot stilstand te bring.Brussow sê die praktyk het twee jaar gelede op die N4 en die N14 vanaf Johannesburg begin, maar is nou algemeen op al die snelweë in en uit die Gauteng-provinsie.Die kapers wag ’n paar honderd meter van die spykers af om vragmotorbestuurders en motoriste aan te val wanneer die voertuie tot stilstand kom, waarsku hy.Sy raad is om spoed te verminder en die stuurwiel reguit te dwing om soveel moontlik afstand tussen jou en die kapers te kry en om nie te stop nie.Hy moedig motoriste aan om in kontak met geliefdes en werkgewers te bly, of om hulle dadelik te kontak indien ’n soortgelyke voorval begin.Die besturende direkteur van Snyman Transport, Sakkie Snyman, sê kapings is ’n groot bekommernis vir vragmotorbestuurders in Suid-Afrika.“Al ons vragte uit Suid-Afrika, wat hoë risiko is, laat loop ons net bedags, en hoëwaarde-vragte of drankvragte word deur sekuriteitsbeamptes vergesel,” sê hy.Snyman sê sy maatskappy het lanklaas so ’n voorval ondervind. Hy moedig egter beide maatskappye en vragmotorbestuurders aan om verantwoordelik en versigtig te wees.“Almal moet saamwerk,” sê hy.– augetto@republikein.com.na

WBCG waarsku teen kapings in SA

Kommentaar

Republikein 2026-08-03

Meld asseblief aan om kommentaar te lewer

WBCG waarsku teen kapings in SA

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.