Swapo-busdiens maak Nabta boos
'Bedreig' ander operateurs in bedryf
Nabta se sekretaris-generaal het gesê dit is onregverdig om van sommige lede te verwag om ledegeld aan beide die vereniging en Swapo te betaal terwyl hulle op onregverdige wyse teen dié party se busdiens moet meeding.
Ogone Tlhage
Die Namibiese Bus- en Taxivereniging (Nabta) is ontstig oor die busdiens Namib Contract Haulage (NCH), wat deur die Swapo-party besit word, se toetrede tot die mark en die lae tariewe wat hy wil vra.
Dit volg op klagtes deur lede van die vereniging dat die maatskappy se gedrag onmededingend is en ’n bedreiging vir operateurs in die bedryf inhou.
Nabta se sekretaris-generaal, mnr. Pendapala Nakathingo, het gesê sy kantoor is oorval met klagtes oor dié busdiens.
“NCH het die voorneme om die huidige amptelike en standaard bustariewe, soos vasgestel deur Nabta, te verminder en sal waarskynlik chaos veroorsaak as gevolg van onregverdige mededinging teen individuele busoperateurs wat reeds sukkel om kop bo water te hou weens brandstofverhogings, onwettige vervoer en ander kommoditeite,” hy het gesê.
EENMALIGE AANBOD ’N PROBLEEM
Die bemarking van NCH se One-Time Travel Offer to the South-veldtog, wat Mariental, Keetmanshoop, Grünau, Noordoewer en Aussenkehr as bestemmings lys, spreek van onmededingende gedrag, het Nakathingo gesê.
NCH beplan om N$80 na Mariental te vra, vergeleke met die vasgestelde N$170; N$130 na Keetmanshoop teenoor Nabta se N$240; N$180 na Grünau (N$240); N$200 na Noordoewer (N$450) en N$230 na Aussenkehr teenoor die vasgestelde N$450.
“Hierdie is van die onregverdige mededinging wat deur die wet verbied word en vereis dat die klein onderneming ten volle beskerm word om te kan groei. Sulke praktyke is een van die dinge wat sommige lede kwaad gemaak het en teen die Swapo-regering laat draai het.”
‘ONS SAL TEEN SWAPO DRAAI’
Nakathingo het gesê dit is onregverdig om van sommige Nabta-lede te verwag om ledegeld aan beide die vereniging en Swapo te betaal terwyl hulle op onregverdige wyse teen NCH moet meeding.
“Nabta het NCH ook daaraan herinner dat sommige busoperateurs ook lede van Swapo is – die mede-eienaar van NCH saam met Kalahari Group Holdings. Dit is dus nie reg om onregverdige mededinging te bring teen lede wat hul partygelde betaal en hulle te beroof van hul klein inkomste uit die vervoerbesigheid nie.”
“Ons doen dus ‘n beroep op NCH om sulke praktyke so gou as moontlik te staak. Indien nie, het lede aangedui dat hulle bereid is om deur Nabta stappe te doen om seker te maak hul regte tot ‘n beskermde besigheid – soos bepaal deur die wet – word ten volle gerespekteer,” het die sekretaris-generaal gesê.
Die NCH se bestuurder, mnr. Freddy Kamati, het nie op navrae oor die aangeleentheid gereageer nie.
– [email protected]
Die Namibiese Bus- en Taxivereniging (Nabta) is ontstig oor die busdiens Namib Contract Haulage (NCH), wat deur die Swapo-party besit word, se toetrede tot die mark en die lae tariewe wat hy wil vra.
Dit volg op klagtes deur lede van die vereniging dat die maatskappy se gedrag onmededingend is en ’n bedreiging vir operateurs in die bedryf inhou.
Nabta se sekretaris-generaal, mnr. Pendapala Nakathingo, het gesê sy kantoor is oorval met klagtes oor dié busdiens.
“NCH het die voorneme om die huidige amptelike en standaard bustariewe, soos vasgestel deur Nabta, te verminder en sal waarskynlik chaos veroorsaak as gevolg van onregverdige mededinging teen individuele busoperateurs wat reeds sukkel om kop bo water te hou weens brandstofverhogings, onwettige vervoer en ander kommoditeite,” hy het gesê.
EENMALIGE AANBOD ’N PROBLEEM
Die bemarking van NCH se One-Time Travel Offer to the South-veldtog, wat Mariental, Keetmanshoop, Grünau, Noordoewer en Aussenkehr as bestemmings lys, spreek van onmededingende gedrag, het Nakathingo gesê.
NCH beplan om N$80 na Mariental te vra, vergeleke met die vasgestelde N$170; N$130 na Keetmanshoop teenoor Nabta se N$240; N$180 na Grünau (N$240); N$200 na Noordoewer (N$450) en N$230 na Aussenkehr teenoor die vasgestelde N$450.
“Hierdie is van die onregverdige mededinging wat deur die wet verbied word en vereis dat die klein onderneming ten volle beskerm word om te kan groei. Sulke praktyke is een van die dinge wat sommige lede kwaad gemaak het en teen die Swapo-regering laat draai het.”
‘ONS SAL TEEN SWAPO DRAAI’
Nakathingo het gesê dit is onregverdig om van sommige Nabta-lede te verwag om ledegeld aan beide die vereniging en Swapo te betaal terwyl hulle op onregverdige wyse teen NCH moet meeding.
“Nabta het NCH ook daaraan herinner dat sommige busoperateurs ook lede van Swapo is – die mede-eienaar van NCH saam met Kalahari Group Holdings. Dit is dus nie reg om onregverdige mededinging te bring teen lede wat hul partygelde betaal en hulle te beroof van hul klein inkomste uit die vervoerbesigheid nie.”
“Ons doen dus ‘n beroep op NCH om sulke praktyke so gou as moontlik te staak. Indien nie, het lede aangedui dat hulle bereid is om deur Nabta stappe te doen om seker te maak hul regte tot ‘n beskermde besigheid – soos bepaal deur die wet – word ten volle gerespekteer,” het die sekretaris-generaal gesê.
Die NCH se bestuurder, mnr. Freddy Kamati, het nie op navrae oor die aangeleentheid gereageer nie.
– [email protected]
Kommentaar
Republikein
Geen kommentaar is op hierdie artikel gelaat nie