FlyNamibia trek besware terug ná teenreaksie

Ellanie Smit - Die plaaslike redery FlyNamibia het sy beswaar teen Fly Etosha se aansoek om registrasie teruggetrek weens die “publiek se hewige negatiewe reaksie” op sy benadering tot die kwessie.Met dié aankondiging laat Woensdagmiddag het die lugredery gesê hul bedoeling was nooit om &#039;n oordeel oor Fly Etosha te vel of om enige uitkoms vooruit te loop nie, maar bloot om kommentaar te lewer oor die beperkings van die aansoek soos dit in die Staatskoerant gepubliseer is.Op 14 Februarie het FlyNamibia saam met sy filiaal, WestAir Aviation, dokumente by die Vervoerkommissie van Namibië ingedien.Daarin word die redery se besware uiteengesit teen kaptein William Aupapa Ekandjo se aansoek om ’n lisensie vir geskeduleerde lugvervoerdienste vir &#039;n voorgestelde lugredery wat Fly Etosha sal heet.Ekandjo is &#039;n afgetrede vlieënier wat vir dekades by die voormalige nasionale lugredery, Air Namibia, gewerk het.Die nuwe lugredery se aansoek is op 23 Januarie in die Staatskoerant gepubliseer.FlyNamibia het redes soos ’n gebrek aan hulpbronne, instandhoudingsgeriewe vir die vliegtuie, grondhanteringsdienste, versekeringsdekking en personeel as redes vir die beswaar gelys.STANDAARDPROSEDURE Volgens FlyNamibia het Ekandjo nie bewyse verskaf dat hy ’n veilige, voldoende en betroubare lugdiens sal kan verskaf nie, veral in terme van volhoubaarheid, reëlmatigheid, stiptelikheid, redelike heffings en algemene doeltreffendheid. Die redery het Woensdag verduidelik dit is die standaardpraktyk in die lugvaartbedryf – soos met die meeste gereguleerde bedrywe in Namibië – dat &#039;n voorgestelde onderneming, soos die bekendstelling van &#039;n nuwe lugredery, in die Staatskoerant gepubliseer word, wat sodoende openbare kommentaar of besware moontlik maak."Vir die bestuur van FlyNamibia is so &#039;n beswaar as standaard-bedryfsprosedure beskou, en ons het self in die verlede baie besware teen ons eie aansoeke verduur," het Andre Compion, besturende direkteur van FlyNamibia, gesê.Hy het gesê Namibië se wetgewing laat belanghebbendes toe om besware te maak teen aansoeke as deel van die bestuursproses om te verseker dat die algemene publiek &#039;n veilige en betroubare lugdiens sal ontvang wat aan alle wetlike vereistes voldoen. "Terwyl ons ons beswaar as &#039;sake soos gewoonlik&#039; in die lugvaartbedryf beskou het, was ons verras deur die hewige teenreaksie van die publiek en het ons besin oor ons benadering. Boonop het ons die openbare sentiment teenoor ons beswaar in ag geneem en is bewus van die feit dat die Namibiese publiek sleutelbelanghebbendes in ons maatskappy is,” het Compion gesê. Die lugredery het gesê die direksie van FlyNamibia het besluit om sy benadering te heroorweeg en om sy beswaar teen Fly Etosha se aansoek terug te trek, sodat die Vervoerkommissie die aansoek behoorlik en objektief op sy eie meriete kan evalueer."Wanneer kliënte se sentimente nie ooreenstem met besluite binne ons maatskappy nie, aanvaar ons die verantwoordelikheid om &#039;n pragmatiese benadering te volg, te besin en te heroorweeg," het Compion gesê.HANDELSMERK Intussen is daar ook onlangs berig oor Ekandjo wat beweer dat FlyNamibia die bekendstelling van sy lugredery sedert Augustus 2022 terughou, toe FlyNamibia se prokureur aan hom geskryf het en hom versoek het om die naam Fly Namibia Airways – wat hy in 2021 by die Owerheid vir Besigheids- en Intellektuele Eiendom (Bipa) geregistreer het – te verander.Ekandjo het die naam in 2022 na Fly Etosha verander. FlyNamibia het egter gesê hulle het op 23 Julie 2020 die handelsnaam Fly Namibia Aviation by Bipa geregistreer en ontvang.“Ons het ook in Julie 2020 met die proses begin om die FlyNamibia-handelsmerk te registreer. Hierdie handelsmerk is amptelik op 6 Julie 2021 geregistreer, met die aanvanklike aansoekdatum, naamlik 16 Julie 2020, as die datum waarop reg op die naam verkry is.”Volgens die maatskappy het FlyNamibia die handelsmerk in November 2021 bekend gestel en daarna die maatskappy se naam verander nadat die relevante beheerliggame die groen lig gegee het.“In Oktober 2022 het Ekandjo by monde van sy prokureurs beweer dat ons sy maatskappy se naam geskend het. Ons het daarna gereageer met die bogenoemde gedetailleerde inligting en stawende dokumente wat aandui dat ons wel die handelsmerk en regte op die naam meer as 12 maande voor sy registrasie verkry het.” – republikein@republikein.com.na

FlyNamibia trek besware terug ná teenreaksie

Kommentaar

Republikein 2026-03-20

Meld asseblief aan om kommentaar te lewer

FlyNamibia trek besware terug ná teenreaksie

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.