Air Namibia spook steeds by NAC

Die gelikwideerde nasionale lugredery Air Namibia spook steeds by die Namibië Lughawensmaatskappy (NAC), wie se lughawens in Windhoek en Walvisbaai as belangrike spilpunte vir die lugredery gedien het.Dit is twee jaar later en Air Namibia se likwidasie en die gevolge daarvan het ’n beduidende impak op die NAC gehad, wat vir meer as 65% van sy bedrywighede van dié lugredery afhanklik was. Die voorsitter van NAC se direksie, Leake Hangala, het gesê pogings om ’n volledige likwidasieverslag te kry, is steeds aan die gang.“Die saak bly ’n doring in die vlees. Vergaderings is gehou met die krediteure, saam met die gesamentlike likwidateurs; die volledige bygewerkte likwidateursverslag is egter nog hangend. Die NAC prioritiseer die aangeleentheid, en ’n volledige omvattende verslag sal aan die aandeelhouers voorgelê word soos vordering gemaak word,” het hy gesê.Ten tyde van sy likwidasie in Februarie 2022 het Air Namibia die NAC – wat suksesvol aansoek gedoen het vir sy likwidasie – N$700 miljoen geskuld. Ander noemenswaardige plaaslike krediteure het destyds ingesluit die Namibië Burgerlugvaartowerheid, wat N$76 miljoen geskuld is, en die plaaslike brandstofverskaffer Engen Namibia N$22,9 miljoen.INSOLVENSIE Die regering het Air Namibia se insolvensie aangehaal as een van die hoofredes wat tot die besluit gelei het om die 75 jaar oue lugredery te likwideer.Met die lugredery se sluiting het ongeveer 700 werknemers hul werk verloor, en die regering moes ’n waarborg van N$2,5 miljard aan die verhuringsmaatskappy Castlelake, wat in die Verenigde State van Amerika gebaseer is, nakom.Voor sy likwidasie het die Instituut vir Openbare Beleidsnavorsing (IPPR) beraam dat Air Namibia sedert 1998 altesaam N$6 miljard in begrotingsoordragte van die regering ontvang het. Die lugredery het ’n verlies van N$119 miljoen gemaak, terwyl sy historiese skuld N$1,3 miljard beloop. – republikein@republikein.com.na

Air Namibia spook steeds by NAC

Kommentaar

Republikein 2026-02-03

Meld asseblief aan om kommentaar te lewer

Air Namibia spook steeds by NAC

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.