Van kroegman tot Mexiko

Ultimate Safaris se beste gids vir 2025, Peter Nuugonya, het onlangs van ’n drie weke lange reis in Baja California, Mexiko, teruggekeer waar hy sy vaardighede opgeskerp het.Sy reis na Mexiko, aangebied deur Todos Santos Eco Adventures, is deel van Ultimate Safaris se vierde agtereenvolgende uitruilprogram vir internasionale gidse.Die program, wat die jaarlikse “Ultimate Guide of the Year” beloon, bied ’n eenmalige geleentheid vir professionele groei en het sedert die ontstaan daarvan meer as N$400 000 in die inisiatief belê.Volgens Ultimate Safaris het Peter se nederig pad van gidswerk naby Ondangwa begin, waar hy vroeg reeds spoosnyvaardighede geleer het."Hy het sy loopbaan as kroegman by Sossusvlei Desert Lodge in die NamibRand-natuurreservaat begin en gou sy passie vir gidswerk ontdek, wat hom sedertdien laat groei het tot ’n afgeronde professionele persoon met kundigheid in voëlkyk, sterrekyk, fotografie en woestyn-ekologie," volgens Ultimate Safaris.Peter het gesê sy reis van Namibië se uitgestrekte woestyne na Mexiko se mariene ekosisteme was ’n eenmalige ervaring was.Hy het gesê om aan die ander kant van die wêreld te beland en deur wonderlike mense ontvang te word, het hom gehelp om te verstaan hoe Ultimate Safaris se gaste voel.Van snorkel en skubaduik tot walviskyk en kulturele ervarings het Peter nuwe insig in wêreldwye toerisme-ervarings opgedoen.Om boggelrug, blou- en gryswalvisse te sien, het ’n blywende indruk op hom gelaat. Dit het Peter se begrip verdiep waarom reisigers unieke, natuurervarings soek – dieselfde trekpleister wat besoekers na Namibië bring.Benewens die wildlewe, was die belewenis van Mexikaanse gemeenskappe se kultuur en kookkuns vir hom ’n hoogtepunt.Die vennootskap tussen Ultimate Safaris en Todos Santos Eco Adventures sal later vanjaar voortduur wanneer ’n Mexikaanse gids na Namibië sal reis, wat ’n groeiende model van wêreldwye samewerking in ekotoerisme is."Soos die inisiatief ontwikkel, slyp dit nie net beter gidse nie, maar bou dit ook blywende verbintenisse tussen vastelande, kulture en bewaringspogings," sê Ultimate Safaris.– ellanie@nmh-hub.com.na

Van kroegman tot Mexiko

Kommentaar

Republikein 2026-05-12

Meld asseblief aan om kommentaar te lewer

Van kroegman tot Mexiko

Kommentaar

Republikein 2026-05-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.