Toeriste tree ‘hoogs ontwrigtend’ op
Onbeheerde motorfietstoere deur gemeenskaplike bewaringsgebiede
'n Ondersoek onthul dat meer as een oorsese toermaatskappy verantwoordelik gehou word vir beweerde reëloortredings deur deelnemers aan hul motorfietstoere.
’n Switserse en ’n Amerikaanse reismaatskappy het ongewenste aandag op hulself gevestig deurdat deelnemers aan hul motorfietstoere in die noordweste van Namibië klaarblyklik verskeie nie-amptelike gedragsreëls verontagsaam wat oor die algemeen deur natuurliefhebbers as vanselfsprekend aanvaar word.
Hannibal Tours (van Switersland) spesialiseer in avontuurreise in suidelike Afrika, maar ook in Sentraal-Asië en Mongolië.
Een van hul enduro-avontuurtoere het verlede week tot verontwaardiging in die elektroniese media gelei, veral op ’n mediaportaal van die ministerie van die omgewing, bosbou en toerisme (MEFT).
Videomateriaal van ’n plaaslike gids wys hoe Hannibal se gaste naby die watergat “Probleem” (genoem na die voormalige plaas) gaan kamp opslaan het.
Tydens ’n gesprek het die operateurs van Hannibal Tours, Diana Imholz en Carlo Rausa, verduidelik twee motorfietse en een van die ondersteuningsvoertuie het pap bande gehad wat herstel moes word.
“Dit kon nie so vinnig reggemaak word nie; dus het ons vir die nag kamp opgeslaan op die sementoppervlakte van die ou plaashuis,” het Rausa gesê.
Hy het aangevoer dat hulle op die gespesifiseerde roetes gebly het “met een voertuig wat vooruit ry en een motor wat volg.”
Toergangers wat hulle nie gedra nie, kry een waarskuwing en ná ’n tweede voorval sal die motorfiets op een van die sleepwaens gelaai word. Imholz het beklemtoon die gaste in hierdie spesifieke geval was ouerige mense wat “die natuur wil geniet”.
EKSTREME MOTORFIETSTOER
Op die Amerikaanse maatskappy Freshline Moto Adventures Club (FMAC) se webwerf word ekstreme motorfietstoere ’n opsie, maar aansoekers moet eers ’n lang vraelys invul om toegelaat te word.“Ons is op ’n missie om elke kontinent in die wêreld per motorfiets te verken.”
Volgens ’n veldwagter van die Save the Rhino Trust (SRT), wat ook saam met die gesamentlike inisiatief van die Uibasen & Twyfelfontein, Sorris Sorris en Doro !nawas bewaringsgebiede van Khorixas in Damaraland werk was die oortreders ’n groep FMAC-motorfietsryers.
“Hulle is van die Freshline-motorfietsklub in Nashville, VSA. Hulle gebruik (pad)kaarte en maak hul eie roetes.”
Dié mense sou egter lukraak ry sonder om dieselfde spoor te volg en die oor die algemeen versteur hulle die natuur, volgens ’n stemboodskap van dié renosterspoorsnyer.
PRIVAAT EIENDOM
Tristan Cowley van Ultimate Safaris sê: “Die bewaringsgebied maak ’n inkomste deur betalende gaste op wildritte en staptoere te neem. Hulle is versigtig om nie die diere te steur nie, veral by ’n watergat.”
Cowley is die dryfkrag agter die plaaslike owerhede van die drie genoemde bewaringsgebiede, wat die ministerie van omgewing gevra het om hul gebiede as ’n enkele gebied te huur, wat ’n bewaringsgebied van 19 000 hektaar sal skep.
“Dan sal die motorfietstoere natuurlik verby wees, want motorfietse het ’n ontwrigtende effek op hierdie omgewing en bowenal op ons renosters. Sodra dit privaat eiendom is, kan ons mense verplig om die bestaande paaie te volg en nog belangriker, niemand kan by enige watergat gaan kamp nie,” het Cowley gesê.
RENOSTERS GEPLA
Eers toe al die videogrepe uitgeruil is, het dit duidelik geword dat daar twee verskillende motorfietsgroepe was, wat as een groep – naamlik Hannibal Tours – skerp gekritiseer is. Hannibal is egter nooit deur amptenare aangespreek nie en het na Omaruru gery terwyl FMAC op pad was na Twyfelfontein. Die twee groepe het een ding gemeen: hul kampplekke, wat volgens alle natuurbewaarders te naby aan die watergat was.
Volgens Andrew Malherbe, SRT se operasionele bestuurder, het dié sake daartoe gelei dat belanghebbendes byeen was en nou “met ander oë na die motorfietstoere sal kyk”.
Bestaande wetgewing maak dit onmoontlik vir die bewaringsgebied om konsekwent op te tree.
“Ons kan met mense praat en ons kan bordjies oprig wat kampering verbied, maar uiteindelik het ons geen regstand nie. Ons word dus hulpeloos blootgestel aan mense wat al die reëls verontagsaam.”
Die watergat genaamd “Probleem” is byvoorbeeld geïsoleerd, wat belangrik is vir die diere en dus nie versteur moet word nie. “Ons het altyd agt tot nege renosters daar gehad, asook olifante en leeus, maar vanweë hierdie hoogs ontwrigtende toerisme bly die diere weg.”
FMAC het teen druktyd nog nie op navrae gereageer nie.
Hannibal Tours (van Switersland) spesialiseer in avontuurreise in suidelike Afrika, maar ook in Sentraal-Asië en Mongolië.
Een van hul enduro-avontuurtoere het verlede week tot verontwaardiging in die elektroniese media gelei, veral op ’n mediaportaal van die ministerie van die omgewing, bosbou en toerisme (MEFT).
Videomateriaal van ’n plaaslike gids wys hoe Hannibal se gaste naby die watergat “Probleem” (genoem na die voormalige plaas) gaan kamp opslaan het.
Tydens ’n gesprek het die operateurs van Hannibal Tours, Diana Imholz en Carlo Rausa, verduidelik twee motorfietse en een van die ondersteuningsvoertuie het pap bande gehad wat herstel moes word.
“Dit kon nie so vinnig reggemaak word nie; dus het ons vir die nag kamp opgeslaan op die sementoppervlakte van die ou plaashuis,” het Rausa gesê.
Hy het aangevoer dat hulle op die gespesifiseerde roetes gebly het “met een voertuig wat vooruit ry en een motor wat volg.”
Toergangers wat hulle nie gedra nie, kry een waarskuwing en ná ’n tweede voorval sal die motorfiets op een van die sleepwaens gelaai word. Imholz het beklemtoon die gaste in hierdie spesifieke geval was ouerige mense wat “die natuur wil geniet”.
EKSTREME MOTORFIETSTOER
Op die Amerikaanse maatskappy Freshline Moto Adventures Club (FMAC) se webwerf word ekstreme motorfietstoere ’n opsie, maar aansoekers moet eers ’n lang vraelys invul om toegelaat te word.“Ons is op ’n missie om elke kontinent in die wêreld per motorfiets te verken.”
Volgens ’n veldwagter van die Save the Rhino Trust (SRT), wat ook saam met die gesamentlike inisiatief van die Uibasen & Twyfelfontein, Sorris Sorris en Doro !nawas bewaringsgebiede van Khorixas in Damaraland werk was die oortreders ’n groep FMAC-motorfietsryers.
“Hulle is van die Freshline-motorfietsklub in Nashville, VSA. Hulle gebruik (pad)kaarte en maak hul eie roetes.”
Dié mense sou egter lukraak ry sonder om dieselfde spoor te volg en die oor die algemeen versteur hulle die natuur, volgens ’n stemboodskap van dié renosterspoorsnyer.
PRIVAAT EIENDOM
Tristan Cowley van Ultimate Safaris sê: “Die bewaringsgebied maak ’n inkomste deur betalende gaste op wildritte en staptoere te neem. Hulle is versigtig om nie die diere te steur nie, veral by ’n watergat.”
Cowley is die dryfkrag agter die plaaslike owerhede van die drie genoemde bewaringsgebiede, wat die ministerie van omgewing gevra het om hul gebiede as ’n enkele gebied te huur, wat ’n bewaringsgebied van 19 000 hektaar sal skep.
“Dan sal die motorfietstoere natuurlik verby wees, want motorfietse het ’n ontwrigtende effek op hierdie omgewing en bowenal op ons renosters. Sodra dit privaat eiendom is, kan ons mense verplig om die bestaande paaie te volg en nog belangriker, niemand kan by enige watergat gaan kamp nie,” het Cowley gesê.
RENOSTERS GEPLA
Eers toe al die videogrepe uitgeruil is, het dit duidelik geword dat daar twee verskillende motorfietsgroepe was, wat as een groep – naamlik Hannibal Tours – skerp gekritiseer is. Hannibal is egter nooit deur amptenare aangespreek nie en het na Omaruru gery terwyl FMAC op pad was na Twyfelfontein. Die twee groepe het een ding gemeen: hul kampplekke, wat volgens alle natuurbewaarders te naby aan die watergat was.
Volgens Andrew Malherbe, SRT se operasionele bestuurder, het dié sake daartoe gelei dat belanghebbendes byeen was en nou “met ander oë na die motorfietstoere sal kyk”.
Bestaande wetgewing maak dit onmoontlik vir die bewaringsgebied om konsekwent op te tree.
“Ons kan met mense praat en ons kan bordjies oprig wat kampering verbied, maar uiteindelik het ons geen regstand nie. Ons word dus hulpeloos blootgestel aan mense wat al die reëls verontagsaam.”
Die watergat genaamd “Probleem” is byvoorbeeld geïsoleerd, wat belangrik is vir die diere en dus nie versteur moet word nie. “Ons het altyd agt tot nege renosters daar gehad, asook olifante en leeus, maar vanweë hierdie hoogs ontwrigtende toerisme bly die diere weg.”
FMAC het teen druktyd nog nie op navrae gereageer nie.
Kommentaar
Republikein
Geen kommentaar is op hierdie artikel gelaat nie