Toerisme amper terug na normaal

Die gemiddelde besettingskoers vir akkommodasiegeriewe in Namibië het in November verby 45% geklim. Volgens die uitvoerende hoof van die Gasvryheidsvereniging van Namibië (HAN), Gitta Paetzold, is dit net 11% laer as die koers in 2019 voordat die Covid-19-pandemie toegeslaan het. Dit is ook &#039;n styging van meer as 10% van verlede jaar se koers. "Dit is &#039;n duidelike aanduiding van die voortgesette herstel van toerisme in Namibië - wat in November byna 80% van normaliteit bereik het," het sy gesê.Afhangend van Desember se resultate, dui koerse tot dusver daarop dat Namibië die jaar afsluit op meer as 70% van die pre-pandemievlakke van die hele jaar. Tydens die spitsseisoen van tussen Julie tot Oktober, het die vlakke byna 80% bereik. "Wat ook bemoedigend is, buiten die gesonde herstel van die tradisionele bronmark van Sentraal-Europa, toon besettingsyfers deur gaste uit Brittanje sowel as Amerika ook tekens van groei. Die Amerikaanse mark toon selfs &#039;n effense groei vergeleke met 2019."Tans verteenwoordig die plaaslike mark steeds 25% van alle besettings, Sentraal-Europa 50%, die Suid-Afrikaanse mark 5,5% en die Britse en Amerikaanse markte onderskeidelik 4% en 3,4%."Die hoop is dat Namibië met voortgesette uitreikings- en uiteenlopende bemarkingsaktiwiteite deur die private sektor oraloor die wêreld nie net sal voortbou op die herstel in toerisme nie, maar ook sal groei en sy bronnemarkte vir toerisme sal diversifiseer."Paetzold sê vir 2023 moet daar &#039;n gesamentlike nasionale poging wees om Namibië as &#039;n toeganklike, veilige en inspirerende reisbestemming te bemark met binnelandse sake wat sy positiewe visum regime herbeklemtoon en die ministerie van finansies wat voldoende hulpbronne aan die ministerie van die omgewing, bosbou en toerisme toeken. Laasgenoemde moet ingespan word vir &#039;n ambisieuse strategiese herstelplan vir toerisme wat &#039;n aggressiewe bemarkingsveldtog vir die land se toerismebedryf sal insluit. &#039;n Belangrike stap om toegang per lugvervoer te verbreed as die hoof reismetode vir besoekers aan die land, is volgens haar reeds gemaak met die land se eerste Nasionale Lugvaartforum wat in November plaasgevind het. Paetzold het ook gesê deur die gevolge en opvolgpogings is dit belowend om te sien hoe meer internasionale lugrederye in 2023 die Namibiese lugruim betree. - republikein@republikein.com.na

Toerisme amper terug na normaal

Kommentaar

Republikein 2026-06-26

Meld asseblief aan om kommentaar te lewer

Toerisme amper terug na normaal

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.