Projek ’n finalis vir bewaringstoekenning

Ultimate Safaris is weer ’n finalis vir die PURE-toekennings. Dít nadat die maatskappy verlede jaar met die kreatiwiteitstoekenning vir sy Onduli Ridge-luuksekamp weggestap het.Ultimate Safaris is vanjaar ’n finalis in die bewaringskategorie met sy projek, Protecting the Living Landscapes of the Doros Joint Management Area in Namibia.Die PURE-toekennings, wat sedert 2014 aangebied word, het ten doel om die leiers in ervaringsreise (experiential travel) te vind. Die skou vind vanjaar vanaf 9 tot 11 September plaas. Die toekenning is elke jaar ’n hoogtepunt by die PURE Life Experiences-skou in Marrakesj, Marokko.Tydens die skou kom leiers en innoveerders in die toerismesektor bymekaar vir netwerkgeleenthede, te leer en nuwe maniere te ontdek om te werk op so ’n manier wat gaste, maar ook die gemeenskappe en hul eie werksomgewing, bevoordeel.“Oor die onderwerp van ’n grondeienaarskapdispuut het Ultimate Safaris se Conservation Travel Foundation, sowel as nieregeringsorganisasies (NGO’s) soos die Namibia Nature Foundation en Save The Rhino Trust, saam met die bewaringsgebiede Doro Nawas, Sorris Sorris en Uibasen Twyfelfontein gewerk om die nuwe Doros Gesamentlike Bestuursgebied van 28 000 hektaar te skep.“Dit sal die enkele grootste geregistreerde kommunale grondhuurpag in Namibië wees sodra dit geregistreer is,” luidens ’n verklaring van Ultimate Safaris.Die bekendstelling en ontwikkeling van kommunale bewaringsgebiede in Namibië is een van die mees suksesvolle onlangse bewaringsidees, volgens die verklaring.Een rede hiervoor is die finansiële en tegniese ondersteuning wat toerisme-ondernemings in hul omgewing aan plaaslike gemeenskappe bied.Dit help hulle “om strategieë te ontwikkel om die beskerming van die gebied en sy omgewing te verbeter”.“Die Doros Gesamentlike Bestuursgebied dra by tot Namibië se bestaande bewaringsuksesverhaal aangesien dit die eerste keer in die land se geskiedenis is dat drie bewaringsgebiede kragte saamgesnoer het om ’n groot stuk grond vir bewaring te registreer.”Ultimate Safaris verduidelik verder dat gemeenskappe wat aan hierdie gebied grens, langs vrylopende wild leef en dit sluit swartrenosters in.“Hulle het besef dat die voordele daarvan weens toerisme veel groter is as die potensiële risiko’s. Die vestiging van die Doros Gesamentlike Bestuursgebied sal baie help om hierdie voordele te verhoog,” het Ultimate Safaris in sy verklaring gesê.– republikein@republikein.com.na

Projek ’n finalis vir bewaringstoekenning

Kommentaar

Republikein 2026-02-06

Meld asseblief aan om kommentaar te lewer

Projek ’n finalis vir bewaringstoekenning

Kommentaar

Republikein 2026-02-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.