Onduli Ridge erken as wêreldklas

Ultimate Safaris se Onduli Ridge het die Richard Bangs Best Hotels-toekenning losgeslaan, wat dié hotel as een van die beste hotelle ter wêreld beskou.Die toekenning word gegee aan hotelle van ongeëwenaarde uitnemendheid in die gasvryheidsbedryf.Die hotel is onlangs opgegradeer en die bekroonde skrywer en reisiger, Richard Bangs, sê dit stel ’n nuwe standaard vir hotelle wêreldwyd danksy die uitsonderlike gehalte en onvergeetlike ervaring wat die hotel sy gaste bied.“Hierdie luukse lodge en spa met ses suites in Namibië se ruwe Damaraland is bekend vir sy wêreldklas-akkommodasie, onberispelike diens en unieke ervarings,” het Bangs gesê.TWEEDE TOEKENNINGOnduli Ridge het ook verlede jaar die gesogte PURE-toekenning vir kreatiwiteit ontvang vir sy innoverende ontwerp, volhoubaarheid en bewaring.Die lodge, wat na die inwonende kameelperd vernoem is, bied ’n ruim gemeenskaplike sitkamer met ’n biblioteek, eetkamer, kroeg, ’n swembad, watergat vir wildbesigtiging en ’n private landingstrook met ’n luukse sitkamer waar mense kan wag en ablusiegeriewe. Luidens ’n mediaverklaring van Ultimate Safaris sal die verskillende toekennings help om toeriste na Namibië te lok en om kennis oor die land te bevorder.– republikein@republikein.com.na

Onduli Ridge erken as wêreldklas

Kommentaar

Republikein 2025-05-01

Meld asseblief aan om kommentaar te lewer

Onduli Ridge erken as wêreldklas

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie