Nuwe plan om kwesbare omgewings te beskerm

Namibië se ministerie van die omgewing, bosbou en toerisme het gewaarsku dat die land se mees ikoniese toeristeaantreklikhede toenemend kwesbaar word vir oorbenutting. Dit het gelei tot die ontwikkeling van ’n nuwe meesterplan vir toerisme wat daarop gemik is om brose ekostelsels te beskerm, maar ook om toekomstige beleggings te lei. Die ministerie se adjunk- uitvoerende direkteur, Seimy Shidute, sê oortoerisme, bekend as over-tourism – die verskynsel waar sekere plekke van belang deur oormatige getalle toeriste besoek word, wat ongewenste gevolge vir dié plekke veroorsaak – het ’n risiko in Namibië se kerntoerismegebiede en in veral ekologies-sensitiewe gebiede soos die Etosha Nasionale Park en Sossusvlei geword.“Terselfdertyd kan dit ’n impak hê of ons eienskappe vernietig wat ons as ’n verkoopspunt vir toerisme gebruik,” het Shidute gister tydens ’n vergadering met rolspelers in Swakopmund gesê.Die plan, wat na verwagting teen die einde van Junie voltooi en aan die president voorgelê sal word, sal alle ontwikkelde en onontwikkelde besienswaardighede in die land saam met infrastruktuur en dienste karteer deur gebruik te maak van geografiese inligtingstelsel (GIS)-data. Dit is daarop gemik om onbeplande toerismegroei te voorkom wat sleutelterreine kan benadeel en om eerder geografies-gebalanseerde ontwikkeling te bevorder.Shidute het gesê Namibië word steeds hoofsaaklik as ’n natuurgebaseerde bestemming beskou, met toenemende druk van besoekers op beperkte bestemmings.“Ons wil seker maak dat wat ons nou ontwikkel vir toekomstige geslagte is,” het sy gesê en die noodsaaklikheid beklemtoon om die land se natuurlike bates te bewaar om langtermynvolhoubaarheid te verseker.Die plan sal ook fokus op infrastruktuurbeperkings, soneringsregulasies en waardekettinggereedheid alvorens nuwe toerisme-ontwikkelings aangepak word.“Jy kan nie geriewe oprig as daar geen kommunikasienetwerke of geen water- of kragvoorsiening is nie,” het Shidute gesê.Joseph Okori, ’n tegniese raadgewer vir die konsultasieproses wat al 14 streke dek, sê die plan sal die beplanning van grondgebruik met volhoubaarheidsdoelwitte en ’n strategie vir infrastuktuur integreer. “Die land het ’n baie kwesbare omgewing en ons moet na dit omsien. As ons ons omgewing afbreek, verloor ons die grondslag van ons toerisme-ekonomie,” het hy gesê. Okori het bygevoeg dat die plan toerismebeplanning en -diversifikasie op streekvlak moontlik sal maak, nuwe besienswaardighede en nywerhede sal ondersteun terwyl die druk op bestaande spilpunte verlig sal word.“Ons vra ‘wat is die unieke verkoopswaarde van elke streek? Wat kan hulle die toerisme-ekonomie bied?’,” het hy gesê.Die stap kom terwyl Namibië daaraan werk om sy toerismesektor ná die Covid-19-pandemie te herbou. Toeriste-aankomste het vanjaar die 800 000-kerf verbygesteek en is goed op dreef om die maatstaf van 1,5 miljoen-besoekers voor die pandemie te bereik. Die meesterplan sal oor tien jaar vanaf 2025 strek en sal ’n driejaar-implementeringsraamwerk met kwartaallikse en jaarlikse verslagdoening insluit.Die plan sal ook in ooreenstemming wees met nasionale ontwikkelingsplanne en internasionale omgewings- en volhoubaarheidsverbintenisse.Shidute het belanghebbendes versoek om te help om die plan deur ’n onder-na-bo-benadering te help vorm.“Ons het nie hierheen gekom met ’n konsepplan nie. . . ons wil van julle hoor wat die bates en geleenthede is,” het sy gesê.– republikein@republikein.com.na

Nuwe plan om kwesbare omgewings te beskerm

Kommentaar

Republikein 2025-11-12

Meld asseblief aan om kommentaar te lewer

Nuwe plan om kwesbare omgewings te beskerm

Kommentaar

Republikein 2025-11-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.