Napha soek meer jong lede

Ellanie Smit - Die Namibiese Professionele Jagtersvereniging (Napha) staar die uitdaging van ’n verouderende lidmaatskap in die gesig, en het gesê min jong lede sluit aan.Om dié uitdaging die hoof te bied, het die vereniging ’n komitee van jong jagters voorgestel.Die inisiatief gaan nie net oor die verhoging van ledegetalle nie, maar om die jonger geslag aktief by sy aktiwiteite te betrek en die voortgesette relevansie en volhoubaarheid daarvan te verseker.“Om jong jagters te betrek sal ook hul gevoel van behoort en toewyding aan die vereniging versterk.”Amerikaanse jagtendense gee ’n mate van insig, het Napha gesê, aangesien daar oor die jare ’n afname in jagdeelname was, veral onder jong mense.In 2020 was daar egter ’n onverwagse toename in belangstelling in jag, het die vereniging bygevoeg.“Terwyl eksterne faktore soos die pandemie hierdie tendens moontlik beïnvloed het, dui dit ook daarop dat daar steeds belangstelling in jag onder die jeug is.”NOODSAAKLIKVolgens die vereniging is die instelling van ’n jong jagterskomitee noodsaaklik.“Hierdie komitee sal jonger lede toelaat om hul sienings te deel, by te dra tot Napha se ontwikkeling en hul eweknieë te lok.”’n Wêreldwye neiging het groter belangstelling in jag onder jong mense getoon, en Napha moet ook van hierdie geleentheid gebruik maak om te groei, het die vereniging gesê.“Om die jonger geslag te betrek sal verseker dat Napha aktief en doeltreffend bly.”Napha het bygevoeg dat lede hierdie voorstel tot voordeel van die vereniging en die jaggemeenskap as geheel moet ondersteun.AGTERUITGANG Jagkliënte wat Namibië besoek het tussen 2019 en 2020 met meer as 4 000 afgeneem weens die grense wat tydens die pandemie gesluit is.Erge afnames is in Namibië se jagtoerisme waargeneem – gebaseer op ’n opname deur Napha – wat aangedui het dat die totale aantal jagters gedurende 2020 ongeveer 1 000 was.Dit teenoor die 5 032 jagkliënte wat Namibië in 2019 besoek het.Napha het gesê ’n opname onder sy lede gedurende September 2021 het getoon dat, vergeleke met 2019, ’n geraamde 20% van trofeejagters Namibië gedurende 2020 besoek het.Teen Augustus 2021 het hierdie syfers tot 35% toegeneem.Die vereniging het verder opgemerk dat Namibië altesaam 5 032 “bewaringsjagters” in 2019 gehad het, wat ’n effense (5,7%) afname vanaf 2018 (5 337) is.Jagters het uit 49 lande gekom, met die Verenigde State van Amerika (VSA) en Duitsland wat verantwoordelik was vir 55% van alle besoekende jagters.In 2020 is berig dat die sektor 15 000 mense in diens het en dat N$500 miljoen uit trofeejag gegenereer is.– republikein@republikein.com.na

Napha soek meer jong lede

Kommentaar

Republikein 2026-02-03

Meld asseblief aan om kommentaar te lewer

Napha soek meer jong lede

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.