N$250 miljoen vir toerisme, bewaring
Finansiële hupstoot vir toerismebedryf
Die finansiële hulp is bykomend tot ongeveer N$250 miljoen wat in 2020 verskaf en suksesvol aangewend is om die negatiewe impak van Covid-19 te versag.
Die Duitse regering het ongeveer N$256 miljoen beskikbaar gestel om plaaslike pogings te ondersteun om die uitdagings wat die Covid-19-pandemie in die bewarings- en toerismesektor meegebring het, te versag.
Luidens ‘n gesamentlike verklaring wat deur die ministerie van die omgewing, bosbou en toerisme en die Duitse ambassade in Namibië uitgereik is, is die bedryf aansienlik geraak deur die verlies aan inkomste uit toerisme tydens die pandemie.
Alhoewel plaaslike en internasionale toerisme die afgelope paar maande op die herstelpad blyk te wees, bly daar nog aansienlike finansiële gapings in dié bedryf. Dit het ‘n impak gehad op indiensneming, noodsaaklike bewaringsaktiwiteite en die voortbestaan van plaaslike gemeenskappe, wild en beskermde gebiede.
Die verklaring verduidelik dat die Duitse ontwikkelingsbank KfW die fondse om die ekonomiese verliese te versag aan die ministerie sal verskaf deur sy afdeling vir bewaringshulp, herstel en veerkragtigheid.
TWEEDE SKENKING
Dié skenking is bykomend tot ongeveer N$250 miljoen wat in 2020 verskaf en suksesvol aangewend is om die negatiewe impak van Covid-19 te versag.
Die ministerie en die ambassade se verklaring het opgemerk dat loonverligting 2 339 werknemers van plaaslike toerisme-ondernemings se werke gedurende die krisistyd gered het en dat 176 plaaslike kleremakers kon baat by bestellings om 216 000 gesigmaskers vir gemeenskappe van bewaringsgebiede te maak.
Die ministerie se voertuigvloot het ook aansienlike steun ontvang om deurlopende patrollies vir wildbeskerming en instandhouding van infrastruktuur in parke te verseker.
Verder sal ongeveer N$150 miljoen deur die bewaringsafdeling gekanaliseer word om gemeenskaplike bewaringsgebiede en die plaaslike toerismesektor te ondersteun om deurlopende werk te verseker vir wildbewaarders, plaaslike mense wat vir die bewaringsgebiede werk en toerisme-ondernemings in dié gebiede.
“Die veerkragtigheid van gemeenskaplike bewaringsgebiede sal versterk word deur strategieë om mens-dier-konflik te versag en implementering van voorkomingsmaatreëls, te ondersteun.”
Daarbenewens is N$106 miljoen opsy gesit om nasionale parke en beskermde gebiede te help om die nadelige ekologiese impak van Covid-19 te verminder.
Hierdie maatreëls sal deur die bestaande NamParks V-projek geïmplementeer word. Die geld het ten doel om die voortgesette toepassing van maatreëls teen stropery en wildmisdaadvoorkoming te verseker en om voortdurende patrollies en implementering van parkregulasies te kan voortsit. Die onlangse renosterstroperyvoorvalle beklemtoon hoe belangrik dié geld in die voorkoming van wildmisdaad is.
– [email protected]
Luidens ‘n gesamentlike verklaring wat deur die ministerie van die omgewing, bosbou en toerisme en die Duitse ambassade in Namibië uitgereik is, is die bedryf aansienlik geraak deur die verlies aan inkomste uit toerisme tydens die pandemie.
Alhoewel plaaslike en internasionale toerisme die afgelope paar maande op die herstelpad blyk te wees, bly daar nog aansienlike finansiële gapings in dié bedryf. Dit het ‘n impak gehad op indiensneming, noodsaaklike bewaringsaktiwiteite en die voortbestaan van plaaslike gemeenskappe, wild en beskermde gebiede.
Die verklaring verduidelik dat die Duitse ontwikkelingsbank KfW die fondse om die ekonomiese verliese te versag aan die ministerie sal verskaf deur sy afdeling vir bewaringshulp, herstel en veerkragtigheid.
TWEEDE SKENKING
Dié skenking is bykomend tot ongeveer N$250 miljoen wat in 2020 verskaf en suksesvol aangewend is om die negatiewe impak van Covid-19 te versag.
Die ministerie en die ambassade se verklaring het opgemerk dat loonverligting 2 339 werknemers van plaaslike toerisme-ondernemings se werke gedurende die krisistyd gered het en dat 176 plaaslike kleremakers kon baat by bestellings om 216 000 gesigmaskers vir gemeenskappe van bewaringsgebiede te maak.
Die ministerie se voertuigvloot het ook aansienlike steun ontvang om deurlopende patrollies vir wildbeskerming en instandhouding van infrastruktuur in parke te verseker.
Verder sal ongeveer N$150 miljoen deur die bewaringsafdeling gekanaliseer word om gemeenskaplike bewaringsgebiede en die plaaslike toerismesektor te ondersteun om deurlopende werk te verseker vir wildbewaarders, plaaslike mense wat vir die bewaringsgebiede werk en toerisme-ondernemings in dié gebiede.
“Die veerkragtigheid van gemeenskaplike bewaringsgebiede sal versterk word deur strategieë om mens-dier-konflik te versag en implementering van voorkomingsmaatreëls, te ondersteun.”
Daarbenewens is N$106 miljoen opsy gesit om nasionale parke en beskermde gebiede te help om die nadelige ekologiese impak van Covid-19 te verminder.
Hierdie maatreëls sal deur die bestaande NamParks V-projek geïmplementeer word. Die geld het ten doel om die voortgesette toepassing van maatreëls teen stropery en wildmisdaadvoorkoming te verseker en om voortdurende patrollies en implementering van parkregulasies te kan voortsit. Die onlangse renosterstroperyvoorvalle beklemtoon hoe belangrik dié geld in die voorkoming van wildmisdaad is.
– [email protected]
Kommentaar
Republikein
Geen kommentaar is op hierdie artikel gelaat nie