Kamp en kattemaai in Kolmanskop

Buitelandse toeriste het met hul tente in Kolmanskop gekampeer en skade aan die geskiedkundige geboue van die destydse myndorp naby Lüderitz aangerig. Dit is volgens video’s wat op TikTok en YouTube deur ’n Russiese toeris, opgelaai is waarin hy sê dat hulle “sonder ’n kaartjie” Kolmanskop ingegaan het. Selfs ’n verkleurmannetjie is uit sy gat gegrawe. Die video’s is sedert 2 Maart opgelaai en die jongste video gister. Volgens die Russiese toeris is hy en sy vier trawante besig om deur Namibië te ryloop.