Enjoy Travel stel program vir lidmaatskap bekend

Enjoy Travel het sy nuwe Enjoy-lidmaatskap- en koopbewysprogram amptelik bekendgestel tydens 'n geleentheid wat verlede week by Eden Chalets oos van Windhoek gehou is. Dié geleentheid wat gaste, vennote en beïnvloeders bymekaar gebring het, het die voordele en opwindende aanbiedinge wat nou vir Enjoy-lede beskikbaar is, beklemtoon. Die geleentheid het ook Enjoy se eerste verjaarsdag gevier en gaste is bederf met 'n gratis lidmaatskapkaart, wynproe-geleentheid en heerlike versnaperinge, terwyl hulle meer oor die nuwe program geleer het. Teen 'n eenmalige fooi van N$300 bied die Enjoy.my.na-program ’n lidmaatskap van vyf jaar, wat lede toegang gee tot eksklusiewe afslag en spesiale aanbiedinge. Die program het ten doel om meer waarde aan reisigers te bied deur hulle die geleentheid te gee om afslag te kry wat hul reiservarings verbeter.Lede kan nou 'n verskeidenheid koopbewyse kry, soos onder meer die die Explorer-bewys ter waarde van N$1 000, die Pioneer-bewys ter waarde van N$3 000 en die Voyager-bewys ter waarde van N$5 000, wat elkeen aansienlike besparings bied.Hierdie koopbewyse is beskikbaar teen 50%-afslag wanneer dit aanlyn gekoop word. Boonop sal lede wat Enjoy Travel-geleenthede bywoon die eksklusiewe geleentheid hê om koopbewyse teen 'n selfs groter 75%-afslag te koop.Om lede ingelig te hou oor komende geleenthede en eksklusiewe aanbiedinge, moedig Enjoy Travel almal aan om hulle op hul sosialemediaplatforms te volg. Geleenthede waar afslag van tot 75% beskikbaar is, sal aangekondig word op Enjoy Travel se Facebook-blad en hul Instagram: @enjoytravel_tourism.Die suksesvolle bekendstellingsgeleentheid sou nie moontlik gewees het sonder die ondersteuning van verskeie vennote nie. Spesiale dank gaan aan Eden Chalets vir die aanbieding van die geleentheid in hul pragtige venue, The Coffee and Wine Co. vir die verskaffing van keurige Portugese wyne wat tot die aand se feesvieringe bygedra het, Zera Leather vir die vervaardiging van persoonlike Enjoy-handelsmerksleutelhouers wat as 'n onvergeetlike aandenking aan gaste geskenk is, sjef Chanel Botha vir die voorbereiding van 'n verskeidenheid heerlike lekkernye en Lefa wat gesorg het dat gaste veilig na en van die venue vervoer is. Met die bekendstelling van die Enjoy-lidmaatskap- en koopbewysprogram, is Enjoy Travel gereed om selfs meer waarde aan sy gemeenskap van reisigers te bied, wat dit makliker en meer bekostigbaar maak om die wêreld te verken.- ellanie@nmh-hub.com.na

Enjoy Travel stel program vir lidmaatskap bekend

Kommentaar

Republikein 2025-11-04

Meld asseblief aan om kommentaar te lewer

Enjoy Travel stel program vir lidmaatskap bekend

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.