33 passasierskepe besoek Namibiese hawens

Die hawens van Walvisbaai en Lüderitz is slaggereed om 33 internasionale passasierskepe in die 2026-seisoen te verwelkom. Die Namibiese Haweowerheid (Namport) het aangekondig 20 skepe sal by Walvisbaai vasmeer en 13 by Lüderitz.  Passasierskepe bring duisende toeriste na Namibië se kusdorp. Elke besoek lewer aansienlike ekonomiese voordele vir Namibië, met toeriste wat aan wal gaan en geld aan inkopies, toere, aktiwiteite en vervoer bestee. Op die foto is die 'Azamara Journey' in die hawe van Lüderitz. Foto Otis Daniels