Werk aan ondersese kabel beteken stadiger internet

Ten spyte van instandhoudingswerk aan die Wes-Afrika-kabelstelsel (WACS), meen ’n kenner dat internetdienste in Namibië bloot stadiger sal wees. Dit kom nadat MTC in ’n kennisgewing gesê het dat die instandhouding van die WACS-kabel sy kliënte se internetverbinding tot 16 Junie sal ontwrig.MTC sê drie van sy internetverbindings wat deur WACS gelei word, sal geraak word en daarom is dataverkeer na rugsteunstelsels herlei om internetdienste met minimale onderbrekings te verskaf.“Die verkeer sal eenvoudig via ’n alternatiewe roete herlei word, wat beteken dit sal langer neem om versoeke te stuur en daarom sal die internet net stadiger wees,” sê Rigo Reddig, ’n kenner van kubertegnologie.Hy het die doel en belang van WACS verduidelik.“WACS is basies ’n groot optiese veselkabel van ongeveer 10 cm in deursnee wat verskeie verbindings het vir lande wat ooreenkomste in plek het. Dit verbind die weskus van Portugal met ander lande, veral ook Suid-Afrika, Namibië en Angola.”WACS is een van vier ondersese kabelstelsels wat internetdienste aan die weskus van Afrika verskaf.Die ander vier is Google se Equiano, die Wes-Afrika-ondersese kabel (WASC) ook bekend as SAT-3, die Afrikakus na Europa-kabel (ACE) en 2Africa, wat dele van die Europese vasteland, Afrika en Indië verbind.Volgens Reddig sal versoeke wat oor die internet gestuur word nou langer neem omdat die sein langer roetes sal moet neem, veral as Suid-Afrika se breëband sy limiet bereik het.Die WACS-kabel is sowat 14 000 km lank en is ontwerp om ’n kapasiteit van minstens 5.12 Tbit te hê. Die netwerk het ongeveer US$600 miljoen gekos, waarvan Namibië en Botswana US$75 miljoen op ’n 50/50-basis belê het.– irene-mari@nmh-hub.com.na

Werk aan ondersese kabel beteken stadiger internet

Kommentaar

Republikein 2026-03-19

Meld asseblief aan om kommentaar te lewer

Werk aan ondersese kabel beteken stadiger internet

Kommentaar

Republikein 2026-03-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.