Slegte weer hou kabel in die see
Kalm waters nodig vir laaste werk
'n Datum later volgende week is nou die teiken om Namibië by 'n nuwe internetskakel in te prop.
Die onvoorspelbaarheid van die weer het veroorsaak dat die lang verwagte landing van die Equiano-internetkabel aan die kus op Swakopmund nie môre (17 Junie) sal kan plaasvind nie.
Die kabelskip Ile de Sein is reeds in Namibiese waters, maar bykomende ondersese werk is nodig voor die kabel uit die Atlantiese Oseaan getrek kan word. Kalm waters is noodsaaklik hiervoor.
“Die datum vir die landing van die kabel het al verskeie kere verander," sê me. Cornelia Mans, bemarkingskoördineerder vir Paratus, Google se Namibiese vennoot in die projek om via die ondersese kabel internettoegang aan verskeie Afrikalande te verbeter.
"Gedurende die winter is ons Namibiese waters berug vir onvoorspelbaarheid," verduidelik Mans.
Equiano sal hopelik tussen 22 en 24 Junie aan land getrek kan word, sê Mans, "afhangende van weerstoestande".
Paratus het reeds in Januarie sy landingstasie vir die kabel voltooi. Die werk, met gevorderde tegnologie en sekuriteitsmeganismes, het N$28 miljoen gekos.
Namibië se eerste ondersese internetverbinding, via die Wes-Afrika-kabelstelsel (WACS), is in Februarie 2011 voltooi. Toe die kabel meer as 'n dekade gelede in Swakopmund se Mole uit die see getrek is, was al wat media daar. Die verbinding is in Mei van dieselfde jaar geaktiveer, maar verg gereelde onderhoud en was al die oorsaak vir onderbrekings in, en die afname van kwaliteit in plaaslike verbinding.
Equiano strek oor sowat 14 000 kilometer vanaf Portugal en het nege inskakelpunte waarvan Swakopmund een is.
Hierdie keer sal die kabel by Platz am Meer uit die water kom en dan ongeveer 'n kilometer verder by die stasie in Ocean View sy verbinding met die nasionale netwerk maak.
Die projek se totale koste beloop sowat N$6 miljard. Die totale plaaslike belegging word op N$260 miljoen bereken.
Equiano sal 20 keer meer netwerkkapasiteit as WACS voorsien.
'n Sytak van die kabel is laat in Maart in Lomé, Togo, aan land gebring en in April by die Nigeriese stad Lagos.
Rupertsbaai op die eiland van St. Helena is ook as verbindingspunt geoormerk, met Melkbosstrand in Suid-Afrika as die eindpunt.
Die kabel is vernoem na Olaudah Equiano, ook bekend as Gustavus Vassa, 'n skrywer wat as tienerseun as 'n slaaf uit Wes-Afrika weggevoer is en nadat hy sy vryheid gekoop het, 'n belangrike stem in Brittanje vir die vrystelling van die slawe geword het.
Die kabelskip Ile de Sein is reeds in Namibiese waters, maar bykomende ondersese werk is nodig voor die kabel uit die Atlantiese Oseaan getrek kan word. Kalm waters is noodsaaklik hiervoor.
“Die datum vir die landing van die kabel het al verskeie kere verander," sê me. Cornelia Mans, bemarkingskoördineerder vir Paratus, Google se Namibiese vennoot in die projek om via die ondersese kabel internettoegang aan verskeie Afrikalande te verbeter.
"Gedurende die winter is ons Namibiese waters berug vir onvoorspelbaarheid," verduidelik Mans.
Equiano sal hopelik tussen 22 en 24 Junie aan land getrek kan word, sê Mans, "afhangende van weerstoestande".
Paratus het reeds in Januarie sy landingstasie vir die kabel voltooi. Die werk, met gevorderde tegnologie en sekuriteitsmeganismes, het N$28 miljoen gekos.
Namibië se eerste ondersese internetverbinding, via die Wes-Afrika-kabelstelsel (WACS), is in Februarie 2011 voltooi. Toe die kabel meer as 'n dekade gelede in Swakopmund se Mole uit die see getrek is, was al wat media daar. Die verbinding is in Mei van dieselfde jaar geaktiveer, maar verg gereelde onderhoud en was al die oorsaak vir onderbrekings in, en die afname van kwaliteit in plaaslike verbinding.
Equiano strek oor sowat 14 000 kilometer vanaf Portugal en het nege inskakelpunte waarvan Swakopmund een is.
Hierdie keer sal die kabel by Platz am Meer uit die water kom en dan ongeveer 'n kilometer verder by die stasie in Ocean View sy verbinding met die nasionale netwerk maak.
Die projek se totale koste beloop sowat N$6 miljard. Die totale plaaslike belegging word op N$260 miljoen bereken.
Equiano sal 20 keer meer netwerkkapasiteit as WACS voorsien.
'n Sytak van die kabel is laat in Maart in Lomé, Togo, aan land gebring en in April by die Nigeriese stad Lagos.
Rupertsbaai op die eiland van St. Helena is ook as verbindingspunt geoormerk, met Melkbosstrand in Suid-Afrika as die eindpunt.
Die kabel is vernoem na Olaudah Equiano, ook bekend as Gustavus Vassa, 'n skrywer wat as tienerseun as 'n slaaf uit Wes-Afrika weggevoer is en nadat hy sy vryheid gekoop het, 'n belangrike stem in Brittanje vir die vrystelling van die slawe geword het.
Kommentaar
Republikein
Geen kommentaar is op hierdie artikel gelaat nie