Samevoeging van oproepe (sonder waarskuwing) wek kommer

MTC-kliënte het hul kommer uitgespreek oor die gebrek aan kennisgewings op sommige selfone wanneer die oproep-samevoegingsfunksie (call-merging function) gebruik word.Dié funksie kan toelaat dat ’n derde party by ’n oproep gevoeg word sonder die medewete of toestemming van ander deelnemers – ’n kenmerk wat kritici sê die grondwetlike reg op privaatheid kan skend.’n Besorgde MTC-gebruiker het onlangs op sosiale media die funksie as “’n growwe skending van ons reg op privaatheid ingevolge artikel 13 van die Namibiese Grondwet” beskryf.MTC het sedertdien verduidelik dat die oproep-samevoegingsfunksie ’n ingeboude funksie in selfoontoestelle is en nie ’n diens is wat deur die maatskappy aangebied word nie, alhoewel die tegnologie versoenbaar met sy netwerk is.Volgens die sosialemediaplasing is dié funksie “’n skenking van die Grondwet en moet dringend gestaak word”.Die skrywer het ook gewaarsku: “Dit is nie net ’n tegniese skuiwergat nie, maar ’n ernstige skending van ons grondwetlike reg op privaatheid, wat die vertroulikheid van korrespondensie, kommunikasie en telefoongesprekke beskerm.”Die plasing het ook ’n beroep op MTC en die Regulerende Owerheid vir Kommunikasie (Cran) gedoen om te verseker dat fone hoorbare of visuele kennisgewings verskaf wanneer ’n derde party by ’n oproep aansluit.Kritici voer aan dat die afwesigheid van sulke waarskuwings die publiek se vertroue ondermyn en burgers aan manipulasie, intimidasie of bedrog kan blootstel. Pogings om kommentaar van Cran te verkry, was onsuksesvol, met versoeke om inligting wat vir meer as twee weke onbeantwoord is.PRIVAATHEIDNetwork Media Hub (NMH) wou vasstel watter meganismes die reguleerder in plek het om te verseker dat gebruikers se privaatheid beskerm word.Toetse het bevind dat kennisgewings op sommige Android-toestelle vertoon word wanneer ’n konferensieoproep aktief is. iPhone-gebruikers word egter nie gewaarsku nie, wat daartoe lei dat partye nie hiervan bewus is nie, tensy die oorspronklike oproeper hulle in kennis stel.Besorgde gebruikers het voorgestel dat MTC ten minste ’n hoorbare waarskuwing moet implementeer om gebruikers in kennis te stel wanneer ’n oproep saamgevoeg word of ’n derde party aansluit.Alhoewel MTC volhou die oproep-samevoegingsfunksie is ’n standaard- telefoongebaseerde funksie en nie deel van sy netwerkdienste nie is, het NMH bevind dat ander diensverskaffers in Namibië nie toelaat dat die funksie op dieselfde manier funksioneer nie, met sommige wat derdeparty-samevoegings heeltemal gedeaktiveer het om gebruikers se privaatheid te beskerm. MENSEREGTEDie ombudsman, Basilius Dyakugha, is egter nie oortuig dat hierdie funksie outomaties ’n skending van menseregte is nie. “Ek is nie so seker of dit jou reg as gebruiker van die diensverskaffer skend nie, want dit is die oproeper wat iemand sonder toestemming byvoeg,” het Dyakugha verduidelik.Hy het bygevoeg dat diensverskaffers wetlike verpligtinge het om wettige onderskepstelsels in stand te hou, wat slegs bedoel is vir gemagtigde doeleindes en nie vir geheime afluistering nie.“Hulle het ’n wetlike verpligting om hierdie funksies in hul stelsel te hê om onderskeppingskwessies moontlik te maak, en dit is in die wet,” het Dyakugha gesê.Hy het verduidelik hoewel die ongemagtigde byvoeging van ’n derde party private inligting kan onthul, die verantwoordelikheid hoofsaaklik by die oproeper lê, nie die diensverskaffer nie, ingevolge die huidige wetgewing.GEEN INMENGING MET TOESTELLEMTC se woordvoerder, Erasmus Nekundi, het gesê die oproep-samevoegingsfunksie is nie ’n unieke diens wat deur MTC aangebied word nie, maar eerder ’n standaardfunksie wat deur selfone verskaf word wat versoenbaar met MTC se netwerk is.“Die samevoeging van oproepe is ’n standaardfunksie wat deur die telefoonstelsel verskaf word, nie ’n unieke diens wat deur MTC aangebied word nie. MTC se netwerk kan slegs met die tegnologie integreer,” het Nekundi verduidelik.Hy het bygevoeg dat telekommunikasiedienste in Namibië tegnologie-neutraal is, soos bepaal ingevolge Artikel 38 van die Kommunikasiewet (Wet No. 8 van 2009), wat beteken dat MTC nie die funksies van toestelle kan beperk, tensy dit deur die wet voorgeskryf word nie.“Die funksie word deur die telefoontoestel verskaf. MTC bied dit nie as ’n diens aan nie, maar die tegnologie is versoenbaar met die MTC-netwerk. Daarom kan MTC nie in private oproepe inmeng nie, tensy dit deur die wet voorgeskryf word,” het hy verduidelik.Toe hy gevra is of MTC verpligte kennisgewings sou implementeer wanneer ’n oproep saamgevoeg word, het Nekundi beklemtoon dat die funksie toestelgedrewe is, maar het die belangrikheid van gebruikersbewustheid beklemtoon.“Om ’n konferensieoproep te begin sonder om die ander persoon in kennis te stel, is soortgelyk aan om jou foon op luidspreker te sit, ’n skermgreep van ’n kletsgesprek te neem, of derdeparty-opnamesagteware sonder toestemming te gebruik. “Dit is moeilik vir MTC om sulke ongemanierde gedrag deur toesteleienaars te voorkom,” het hy gesê.– republikein@republikein.com.na

Samevoeging van oproepe (sonder waarskuwing) wek kommer

Kommentaar

Republikein 2026-03-10

Meld asseblief aan om kommentaar te lewer

Samevoeging van oproepe (sonder waarskuwing) wek kommer

Kommentaar

Republikein 2026-03-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.