Nommers sal verbeur word, sê Cran

Elizabeth Kheibes - Die regulerende Owerheid vir Kommunikasie in Namibië (Cran) het aangekondig dat die sperdatum vir die registrasie van simkaarte steeds 31 Maart is, terwyl kliënte wat versuim om hul simkaarte te registreer hul nommers sal verbeur.Cran se uitvoerende hoof, Emilia Nghikembua, het gister tydens ’n inligtingsessie onthul dat Namibië meer as 2,3 miljoen aktiewe simkaartgebruikers oor al die netwerke het, en tot dusver is meer as 1,6 miljoen (70,6%) hiervan suksesvol geregistreer.Die mobiele telekommunikasie-maatskappy (MTC) se registrasies het van 70% in Januarie tot 76% gestyg, terwyl Telecom se registrasies egter van 79% in Januarie tot 54% gedaal het. Intussen het Paratus en UCOM Mobile (voorheen MTN) albei 100% suksesvolle registrasie aangeteken.“Dit [die afname in Telecom se registrasie] is as gevolg van ’n merkbare wysiging in Telecom se aantal geregistreerde intekenare, wat gelei het tot die verwydering van geregistreerde nommers wat gedeaktiveer is.“Die fout van Telecom Namibia het ’n rimpeleffek op die nasionale gemiddeld gehad,” het sy gesê.Nghikembua het in Januarie gesê die nasionale gemiddeld was 70,97%, maar dié syfer staan tans op 70,6% weens die regstelling wat Telecom gemaak het.“Dit is noodsaaklik om daarop te let dat ongeregistreerde simkaarte opgeskort sal word vir drie maande vanaf April. Tydens dié tydperk sal kliënte wat probeer om enige netwerk te gebruik, nie netwerkopvangs hê nie en ’n waarskuwingsboodskap ontvang.”“Sou die nommer tydens die drie maande ongeregistreerd bly, sal dit verbeur word. Dit beteken dit gaan terug in die poel van nommers wat nog nie toegeken is nie en kan dit gevolglik aan ’n nuwe kliënt toegeken word.”Cran het verder opgemerk dat hy tevrede is dat selfoonoperateurs die nodige meganismes in plek het om opskortings teen 1 April te vergemaklik, en bygevoeg dat hy “met hulle sal saamwerk om seker te maak dit word betyds en ordelik gedoen”.Nghikembua het bygevoeg die registrasieproses is nie ontwikkel om simkaarte op te skort nie, en dit kan vermy word deur jou nommer voor die einde van die maand te registreer.– republikein@republikein.com.na

Nommers sal verbeur word, sê Cran

Kommentaar

Republikein 2026-09-18

Meld asseblief aan om kommentaar te lewer

Nommers sal verbeur word, sê Cran

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.