Namibië wil aan die voorpunt van inligtingstegnologie wees

“Die [digitale transformasie en kunsmatige intelligensie (KI)] is veral noodsaaklik aangesien meer internasionale maatskappye hul visier op Namibië rig om sake te doen, veral in die olie- en gassektor. “Hulle sal almal deur tegnologie gedryf word en Namibië is vasbeslote om aan die voorpunt te wees om die nuutste in inligtingstegnologie, insluitend KI, te lewer.”Só het die besturende direkteur van Green Enterprise Solutions, Kehad Snydewel, gesê oor die inligting- en kommunikasietegnologie (ICT)-beraad wat in September in Windhoek plaasvind.Digitale transformasie en KI sal die hooffokuspunte by vanjaar se beraad wees en die tema is “Bou veerkragtigheid om aan te pas of te sterf in die era van digitale transformasie en kunsmatige intelligensie (KI)”.“Soos die tema aandui, sal ons nie mededingend wees nie en ver agter raak as ons nie veerkragtigheid bou of aanpas nie,” meen Snydewel.Die Namibiese regering het in Mei aangekondig dat hy die agtste uitgawe van die beraad vanaf 9 tot 11 September sal aanbied.Die sewende ICT-beraad het in Oktober verlede jaar plaasgevind onder die tema “Die heroorweging van beleggings in kuberveiligheid om die digitale ekonomie en sy geleenthede te beveilig”.KUNSMATIGE INTELLIGENSIE“Sal kunsmatige intelligensie ’n geleentheid of ’n bedreiging vir besighede en werksgeleenthede wees, of sal dit organisasies in staat stel om te groei as dit korrek aangewend word?” is een van die vrae wat vanjaar volgens Green Enterprise Solutions onder bespreking is.Dié maatskappy is ’n toonaangewende verskaffer van inligting en kommunikasietegnologie en het sedert die ontstaan van die beraad as borg gedien. “Die maatskappy is onwrikbaar in sy verbintenis tot die bevordering van Namibië se ICT-sektor.”Volgens Green Enterprise Solutions sal dit sessies aanbied wat dieper sal delf in KI en hoe om dit te gebruik.“Dit sal deelnemers in staat stel om met kundiges in die bedryf te skakel, waardevolle begrip te verkry en hoe om KI in hul bedryf te benut,” sê Green Enterprise Solutions in ’n mediaverklaring.Die verklaring wys verder op die belangrikheid van die ontwikkeling van die ICT-bedryf in Namibië en veral die belangrikheid dat maatskappye digitale transformasie en kunsmatige intelligensie moet gebruik.– republikein@republikein.com.na

Namibië wil aan die voorpunt van inligtingstegnologie wees

Kommentaar

Republikein 2025-05-01

Meld asseblief aan om kommentaar te lewer

Namibië wil aan die voorpunt van inligtingstegnologie wees

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie