Namibië betree nuwe era

Google se padkaarte is deesdae so deel van die moderne lewe dat die meeste van ons nie eens daaraan dink voor ons dit gebruik om ’n plek op te soek of om ’n ligging per selfoon te deel nie. Die toepassing bied ook miljoene mense die geleentheid om op straatvlak te kan sien hoe ’n onbekende bestemming lyk.Nou bied ’n vennootskap met die plaaslike passasiersvervoerdiens, Lefa, die inhoud om deur middel van Street View vir die hele wêreld te wys hoe Namibië se strate lyk.Lefa sal ’n dubbelkajuitbakkie inspan om ongeveer 8 000 kilometer van Namibië se teerpaaie plat te ry en op te neem, om die meeste van die land se dorpe fotografies op die digitale wêreldkaart te plaas.“As jy ons kan vertrou om jou veilig by die huis te kry, kan hulle ons vertrou om Namibië te dek,” lui Lefa se verklaring.Lefa se voertuig, wat met ’n spesiale kamerastelsel toegerus is om die strate so af te neem dat ’n volledige 360°-prentjie agterna bymekaar gesit kan word – sal oor die volgende jaar Namibië deurkruis.Selfs plekke soos Gobabis sal binnekort virtueel besoek kan word, volgens Lefa. “Toeriste wat beplan om Namibië te besoek, kan na interessante plekke kyk en hul roete langs die pad uitwerk. Oor die langer termyn kan navorsers en omgewingskenners maklik veranderinge in landskappe, habitatte en ekosisteme monitor, en vanuit ’n opvoedkundige oogpunt kan onderwysers vir leerlinge wys hoe ander stede en dorpe in Namibië lyk,” volgens Lefa.“Vir ’n klein plaaslike maatskappy beteken die geleentheid om saam met so ’n groot multinasionale tegnologiemaatskappy, soos ons vennote, aan hierdie projek te werk, dat ons nie net ons tegniese kennis rondom die integrasie van stelsels verbeter nie, maar ons maak ook ’n verskil deur letterlik Namibië se sigbaarheid in die wêreld te verhoog. “So, as jy toevallig ’n onopvallende dubbelkajuitbakkie sien rondry met ’n verskeidenheid toerusting agterop, glimlag en waai! Dit is ’n Lefa,” luidens die verklaring.Lefa se stigter en eienaar, Melkies Ausiku, het Maandag gesê die projek het reeds in Windhoek afgeskop en hulle hoop om teen die einde van vandeesweek die proses in die hoofstad te voltooi. “Ons sal dan Okahandja, Rehoboth en die landgoedontwikkelings rondom Windhoek takel. “Daarna sal ons noord of suid gaan, afhangende van die reën. Ons hoop om teen volgende November of Desember die hele land klaar opgeneem te hê,” sê Ausiku.Hy het padgebruikers gevra om te verseker dat daar ’n gaping van 20 tot 30 meter tussen hulle voertuig en die bakkie is – as hulle hom teëkom. Hy het ook die versekering gegee dat die betrokke sagteware outomaties gesigte en nommerplate vervaag,Verder bied Google ook die opsie om aansoek op sy webwerf te doen om enige private eiendom of handelsmerk op aanvraag te vervaag, voeg Ausiku by. “Ondersteun ons om Namibië op die landkaart te plaas en om die gebruik van ons paaie te verbeter,” vra hy. – augetto@republikein.com.na

Namibië betree nuwe era

Kommentaar

Republikein 2025-05-01

Meld asseblief aan om kommentaar te lewer

Namibië betree nuwe era

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie