IPPR se bewerings ongegrond, sê ministerie

Die ministerie van inligting en kommunikasietegnologie het bewerings van die Instituut vir Openbare Beleidsnavorsing (IPPR), dat ’n veldtog vir simkaartregistrasies massatoesig bemagtig, van die hand gewys. Dit volg nadat die IPPR onlangs sy kommer oor die proses in ’n meningstuk uitgespreek het.“Die ministerie weerlê die IPPR se ongegronde bewerings, aangesien dit nie meriete het nie en dit die regering se pogings ondermyn om misdade te bekamp wat deur telekommunikasiedienste gesteun word.Die inisiatief om simkaarte se registreer is nie ’n middel vir die regering om die situasie te monitor nie,” het Shoki Kandjimi, die ministerie se woordvoerder, gesê.“Dit speel ’n deurslaggewende rol in die bekamping van telefoongebaseerde bedrog, identiteitsdiefstal en ander kriminele aktiwiteite,” het hy bygevoeg.STRENG GEREGULEERWetstoepassingsagentskappe sal toegang hê tot inligting verkrygbaar vanaf simkaarte waar die potensiaal bestaan dat ’n misdaad gepleeg is, het hy gesê.“Dit is belangrik om te verduidelik dat wetstoepassingsagentskappe slegs toegang tot gebruikers se oproepdata kan kry ná ’n misdaad aangemeld is en wanneer ’n regter ’n lasbrief uitreik. Die Namibiese Sentrale Intelligensiedienswet en Terrorismewet, wat reeds in werking is, reguleer onderskepping streng en laat dit slegs toe onder geregtelike magtiging ná ’n oortreding aangemeld is,” het Kandjimi gesê.Hy het die publiek verder versoek om die grasietydperk te benut en hul simkaarte voor 31 Maart te registreer om te verhoed dat hulle telekommunikasiedienste opgeskort word.LOGIESE GEVOLGVolgens die IPPR is onoordeelkundige massamonitering die logiese gevolg van verpligte simkaartregistrasies en die stoor van groot hoeveelhede data.“Elke pakkie telekommunikasiedata moet vir ’n tydperk van vyf jaar gestoor word en kan aan ’n geverifieerde en naspeurbare telekommunikasiediensgebruiker gekoppel word,” het die IPPR gesê. – republikein@republikein.com.na

IPPR se bewerings ongegrond, sê ministerie

Kommentaar

Republikein 2025-11-05

Meld asseblief aan om kommentaar te lewer

IPPR se bewerings ongegrond, sê ministerie

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.