Equiano Google-kabel land by Swakopmund
Beter verbinding, vinniger internetspoed
Google het sowat drie jaar gelede met Paratus kontak gemaak om hierdie bal aan die rol te sit en uiteindelik is die Equiano Google-kabel 'n realiteit.
Die lank verwagte Equiano Google-kabel het Vrydagoggend by Swakopmund aangekom.
Paratus het die projek in samwerking met Telecom Namibia aangepak en die kabellandingsstasie vir die Equiano- ondersese internetkabel aan die kus op Swakopmund op te rig.
“Hierdie kabel sal 'n direkte impak hê op verbinding met vinniger internetspoed, meer buigsaamheid in die mark en 'n verbeterde ervaring vir verbruikers in Namibië. Sodra die Equiano ten volle in werking is, sal dit na verwagting tot 20 keer meer kapasiteit lewer as wat voorheen in Namibië beskikbaar was. Dit sit Namiibië op die kaart.”
So sê die hoof uitvoerende beampte van Paratus, mnr. Barney Harmse.
“Sodra ons hierdie kabel aan ons landingstasie gekoppel het, sal elke verbruiker in Namibië 'n nuwe internet-ervaring beleef. Hierdeur gaan ons massiewe internetkapasiteit vanaf Swakopmund na die res van die land en ons SADC-bure versprei.
“Hierdie belegging sal ons ekonomie 'n hupstoot gee en sal ook meer werksgeleenthede skep,” het Harmse Vrydag by die kabellandingstasie gesê.
Die kabel het per boot vanaf Portugal aangekom en Namibië is die tweede laaste stop onderweg na Suid-Afrika.
“Sedert Google met ons kontak gemaak het, het dit drie jaar, drie maande en 17 dae geneem vir hierdie N$300 miljoen-belegging om te realiseer,” het Harmse gesê.
Volgens Harmse het Namibië tot nou toe op die Wes-Afrika-kabelstelsel (WACS) staatgemaak en volgens hom is die Equiano Google-kabel vier keer groter as die WACS.
"Dit sal nie net beter stabiliteit vir verbinding in die land verseker nie, maar ook 'n laer latensie en hoër spoed in die globale oordrag van data. Namibië het teen 40,5% hoër internetverbindingsvlakke as die gemiddeld van 29% vir Afrikalande suid van die Sahara.”
Die besturende direkteur van Google in Afrika suid van die Sahara, mnr. Nitin Gajria, het gesê Google is daartoe verbind om Afrika se digitale transformasie te ondersteun.
“Ons is opgewonde om die impak van die landing van Equiano in Namibië te beleef. Ons het saam met kundiges – Paratus Group en Telecom Namibia – gewerk om te verseker dat Equiano die grootste potensiële effek in Namibië en regoor Afrika het.”
Telecom Namibia se hoof uitvoerende beampte, mnr. Stanley Shanapinda, glo dat die Equiano-kabellanding 'n groot stap in die ontwikkeling van die nasionale telekommunikasie-infrastruktuur is.
“Hierdie kabel sal 'n kritieke element wees vir Namibië om aan huidige en toekomstige internasionale vereistes vir verbinding te voldoen, aangesien die kabel nuwe tegnologie insluit wat ongeveer 20 keer meer netwerkkapasiteit as die huidige WACS-kabel moontlik maak. Die kabel sal oortollige kapasiteit vir Telecom Namibia verseker en bied 'n alternatief wanneer ander roetes probleme ervaar.
“Die volumes inligting wat oor die wêreld versprei word, het eksponensieel gegroei, veral as gevolg van die impak van die Covid-19-pandemie en dus sal die kabel die ruggraat van moderne kommunikasie in Namibië verder versterk,” het hy gesê.
[email protected]
Paratus het die projek in samwerking met Telecom Namibia aangepak en die kabellandingsstasie vir die Equiano- ondersese internetkabel aan die kus op Swakopmund op te rig.
“Hierdie kabel sal 'n direkte impak hê op verbinding met vinniger internetspoed, meer buigsaamheid in die mark en 'n verbeterde ervaring vir verbruikers in Namibië. Sodra die Equiano ten volle in werking is, sal dit na verwagting tot 20 keer meer kapasiteit lewer as wat voorheen in Namibië beskikbaar was. Dit sit Namiibië op die kaart.”
So sê die hoof uitvoerende beampte van Paratus, mnr. Barney Harmse.
“Sodra ons hierdie kabel aan ons landingstasie gekoppel het, sal elke verbruiker in Namibië 'n nuwe internet-ervaring beleef. Hierdeur gaan ons massiewe internetkapasiteit vanaf Swakopmund na die res van die land en ons SADC-bure versprei.
“Hierdie belegging sal ons ekonomie 'n hupstoot gee en sal ook meer werksgeleenthede skep,” het Harmse Vrydag by die kabellandingstasie gesê.
Die kabel het per boot vanaf Portugal aangekom en Namibië is die tweede laaste stop onderweg na Suid-Afrika.
“Sedert Google met ons kontak gemaak het, het dit drie jaar, drie maande en 17 dae geneem vir hierdie N$300 miljoen-belegging om te realiseer,” het Harmse gesê.
Volgens Harmse het Namibië tot nou toe op die Wes-Afrika-kabelstelsel (WACS) staatgemaak en volgens hom is die Equiano Google-kabel vier keer groter as die WACS.
"Dit sal nie net beter stabiliteit vir verbinding in die land verseker nie, maar ook 'n laer latensie en hoër spoed in die globale oordrag van data. Namibië het teen 40,5% hoër internetverbindingsvlakke as die gemiddeld van 29% vir Afrikalande suid van die Sahara.”
Die besturende direkteur van Google in Afrika suid van die Sahara, mnr. Nitin Gajria, het gesê Google is daartoe verbind om Afrika se digitale transformasie te ondersteun.
“Ons is opgewonde om die impak van die landing van Equiano in Namibië te beleef. Ons het saam met kundiges – Paratus Group en Telecom Namibia – gewerk om te verseker dat Equiano die grootste potensiële effek in Namibië en regoor Afrika het.”
Telecom Namibia se hoof uitvoerende beampte, mnr. Stanley Shanapinda, glo dat die Equiano-kabellanding 'n groot stap in die ontwikkeling van die nasionale telekommunikasie-infrastruktuur is.
“Hierdie kabel sal 'n kritieke element wees vir Namibië om aan huidige en toekomstige internasionale vereistes vir verbinding te voldoen, aangesien die kabel nuwe tegnologie insluit wat ongeveer 20 keer meer netwerkkapasiteit as die huidige WACS-kabel moontlik maak. Die kabel sal oortollige kapasiteit vir Telecom Namibia verseker en bied 'n alternatief wanneer ander roetes probleme ervaar.
“Die volumes inligting wat oor die wêreld versprei word, het eksponensieel gegroei, veral as gevolg van die impak van die Covid-19-pandemie en dus sal die kabel die ruggraat van moderne kommunikasie in Namibië verder versterk,” het hy gesê.
[email protected]
Kommentaar
Republikein
Geen kommentaar is op hierdie artikel gelaat nie