Cran seëvier op appèl teen MTC
Hoërhof se beslissing nietig verklaar
Cran kan heffings van diensverskaffers invorder wat vanaf Augustus 2022 terugdateer.
Die regulerende Owerheid vir Kommunikasie (Cran) sal ingevolge ’n uitspraak in die hooggeregshof heffings van diensverskaffers kan begin invorder, wat tot Augustus 2022 terugdateer.
“Geen regulatoriese heffings is sedert 22 Augustus 2022 ingevorder nie. Met inagneming van die hooggeregshof se beslissing, sal die owerheid die invordering van heffings hervat wat terugdateer na daardie tydperk en vorentoe beweeg. Die owerheid sal ook uiteindelik die Universele Diensfonds bekendstel, wat ook deur die regsuitdaging gekniehalter is,” het Cran se uitvoerende hoof, Emilia Nghikembua, verlede week in ’n mediaverklaring gesê.
Die hooggeregshof het die grondwetlike uitdaging van Artikel 23 van die Wet op Kommunikasie van 2009 hanteer, wat Cran die mag gee om ’n regulatoriese heffing op verskaffers van kommunikasiedienste in Namibië te hef.
Die saak dateer terug na 2020 toe Mobile Telecommunications Limited (MTC) ’n aansoek ingedien het, met die argument dat die artikel ongrondwetlik was aangesien die gewysigde artikel geen beperking op die drempel van die regulatoriese heffing plaas nie, daar geen uitvoerende toesig is nie, en dat geen beperkings voorgeskryf word nie, wat lei tot Cran se ongekontroleerde diskresie.
Die hoërhof het op 22 Augustus 2022 sy uitspraak gelewer waarin hy hierdie deel van die Kommunikasiewet ongrondwetlik bevind en dit dus nietig verklaar het.
Cran het egter teen die uitspraak geappelleer en op 13 Maart 2024 het die hooggeregshof ’n uitspraak in Cran se guns gelewer.
Die hooggeregshof het bevind dat die hoërhof in sy oorweging van die grondwetlikheid van die gewysigde Artikel 23 nie voldoende gewig daaraan geheg het dat die wetgewer aansienlike besonderhede by die artikel gevoeg het nie, wat nie deel van die vorige artikel 23 uitgemaak het nie.
Die adjunkhoofregter Petrus Damaseb het saam met appèlregters Dave Smuts en Sylvestor Mainga bevind die deel van die Kommunikasiewet wat hier ter sprake was, is intussen aangepas en Cran se magte beperk.
Die volbank het beslis dat die gewysigde weergawe van die Kommunikasiewet voldoende voorsorgmaatreëls in plek het om teen buitensporige heffings en die onredelike gebruik van mag deur Cran te beskerm.
“. . . Cran kan nou fokus op die primêre aspekte van sy mandaat – om te verseker dat alle Namibiërs toegang het tot bekostigbare en hoëgehalte dienste.
“Hierdie mandaat is grootliks gekniehalter deur die gebrek aan voldoende hulpbronne om die koste van regulering te dek, weens die onsekerheid rondom die regulatoriese heffings, wat ons grootste bron van inkomste is. Dit ondermyn Cran se lewensvatbaarheid aangesien regulatoriese heffings 80% van Cran se inkomste uitmaak,” het sy gesê.
– [email protected]
“Geen regulatoriese heffings is sedert 22 Augustus 2022 ingevorder nie. Met inagneming van die hooggeregshof se beslissing, sal die owerheid die invordering van heffings hervat wat terugdateer na daardie tydperk en vorentoe beweeg. Die owerheid sal ook uiteindelik die Universele Diensfonds bekendstel, wat ook deur die regsuitdaging gekniehalter is,” het Cran se uitvoerende hoof, Emilia Nghikembua, verlede week in ’n mediaverklaring gesê.
Die hooggeregshof het die grondwetlike uitdaging van Artikel 23 van die Wet op Kommunikasie van 2009 hanteer, wat Cran die mag gee om ’n regulatoriese heffing op verskaffers van kommunikasiedienste in Namibië te hef.
Die saak dateer terug na 2020 toe Mobile Telecommunications Limited (MTC) ’n aansoek ingedien het, met die argument dat die artikel ongrondwetlik was aangesien die gewysigde artikel geen beperking op die drempel van die regulatoriese heffing plaas nie, daar geen uitvoerende toesig is nie, en dat geen beperkings voorgeskryf word nie, wat lei tot Cran se ongekontroleerde diskresie.
Die hoërhof het op 22 Augustus 2022 sy uitspraak gelewer waarin hy hierdie deel van die Kommunikasiewet ongrondwetlik bevind en dit dus nietig verklaar het.
Cran het egter teen die uitspraak geappelleer en op 13 Maart 2024 het die hooggeregshof ’n uitspraak in Cran se guns gelewer.
Die hooggeregshof het bevind dat die hoërhof in sy oorweging van die grondwetlikheid van die gewysigde Artikel 23 nie voldoende gewig daaraan geheg het dat die wetgewer aansienlike besonderhede by die artikel gevoeg het nie, wat nie deel van die vorige artikel 23 uitgemaak het nie.
Die adjunkhoofregter Petrus Damaseb het saam met appèlregters Dave Smuts en Sylvestor Mainga bevind die deel van die Kommunikasiewet wat hier ter sprake was, is intussen aangepas en Cran se magte beperk.
Die volbank het beslis dat die gewysigde weergawe van die Kommunikasiewet voldoende voorsorgmaatreëls in plek het om teen buitensporige heffings en die onredelike gebruik van mag deur Cran te beskerm.
“. . . Cran kan nou fokus op die primêre aspekte van sy mandaat – om te verseker dat alle Namibiërs toegang het tot bekostigbare en hoëgehalte dienste.
“Hierdie mandaat is grootliks gekniehalter deur die gebrek aan voldoende hulpbronne om die koste van regulering te dek, weens die onsekerheid rondom die regulatoriese heffings, wat ons grootste bron van inkomste is. Dit ondermyn Cran se lewensvatbaarheid aangesien regulatoriese heffings 80% van Cran se inkomste uitmaak,” het sy gesê.
– [email protected]
Kommentaar
Republikein
Geen kommentaar is op hierdie artikel gelaat nie