Naelbyteindstryd verwag

Die Hage Geingob-stadion in Windhoek is gereed vir ’n skouspel in Namibiese skolerugby, wanneer Windhoek Afrikaanse Privaatskool en Curro Windhoek Gimnasium mekaar pak in die eindstryd van die Momentum NSSU Superliga.Albei skole het die liga oorheers, met Windhoek Afrikaanse Privaatskool wat vir die grootste deel van die seisoen bo-aan die punteleer was, waarna Windhoek Gimnasium vir Affies verbygesteek het en met twee punte bo-aan die liga is. Windhoek Gimnasium is gereed om terug te slaan en te wys waarom hulle die span is om in hierdie eindstryd te klop. Die span was die agtereenvolgende wenners in die 2022- en 2023-kampioenskappe, alhoewel 2023 se oorwinning met Windhoek Hoërskool (WHS) gedeel was. Jannie de Beer, direkteur van rugby by Curro Windhoek Gimnasium, het gesê: “Ek sien dit glad nie as ’n ‘comeback’ nie. Verlede jaar het ons ’n baie goeie seisoen gehad en goeie rugby gespeel. Ons het net in die halfeindstryd teen ’n baie gemotiveerde Moria vasgeval.” Windhoek Afrikaanse Privaatskool het die kampioenskap tot dusver twee keer gewen, in 2018 en 2019 en toe het Covid-19 hul wenreeks gebreek, maar hulle is meer as gereed en gretig om die trofee huis toe te neem. Johan Zaayman, afrigter van die o.19-superliga van die Windhoek Afffies-span, het beklemtoon: “Ons is terug waar ons tussen 2016 en 2019 was; WAP kan weer ’n krag in skolerugby word. “Ons seuns is ’n besondere groep – sodra hulle daardie gevoel kry, is die momentum moeilik om te stop.” Met albei skole wat op vurige ondersteunersbasisse en ryk tradisies in nasionale skolerugby kan roem, belowe die atmosfeer op die wedstryddag om spannend te wees. Verwag hoë intensiteit, opwindende spel en 70 minute van ongelooflike rugby waar ’n een oomblik van briljantheid kan bepaal wie die gesogte trofee gaan lig.– rozanne@nma.com.na

Naelbyteindstryd verwag

Kommentaar

Republikein 2026-08-21

Meld asseblief aan om kommentaar te lewer

Naelbyteindstryd verwag

Kommentaar

Republikein 2026-08-21

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.