Kom speel saam by Napso PSW 2026

NTV Afrikaans sit volgende week saam met My Zone af na Napso se 2026 Securitas Privaatskole-sportnaweek by Pro-Ed Akademie op Swakopmund.

Die programme Gooi Kole, Kletskompas en Blitsfokus gaan saamkuier om dié reusesportfees ook ’n avontuur van taal en kultuur te maak.

Vir skoliere is daar ’n AfriWallet-prys van N$1 000 op die spel in NTV Afrikaans se idiome-videospel waarin die individu of groep met die meeste sosialemedia-kyke Saterdag as wenner aangewys sal word.

MyZone sal die wêreld daagliks op hoogte van sportaksie hou met sosiale media. Regstreekse uitsendings vind van Donderdag tot Saterdag plaas op oneuptwo.com se kanale MyZone TV en Sport Wrap TV, asook in sportgleuwe op NTV self (GOtv 25 en DStv 285 in Namibië). Alle materiaal is vir weerkyk beskikbaar op Oneuptwo se Echo-blad.

Die sportweek vind plaas van 29 April tot 2 Mei.

#NapsoPSN2026 #NTVAfrikaans #saakmaaklekker #speelsaamleersaam