Wenpaar bespreek deelname in Sun City

Albert de Klerk en Jared Matthews, beide van Omeya-gholfklub, is die nasionale wenners van die King Price Internasionale Pare-gholfreeks wat die ten volle betaalde reis losgeslaan het om in die wêreldfinaal in Sun City te gaan meeding (6 tot 10 Oktober). Die nasionale eindtoernooi, met 30 kwalifiserende pare van elke klub in die land, is Vrydag en Sondag onderskeidelik by die bane van Omeya en Windhoek-gholfklub beslis. De Klerk en Matthews het met 84 punte die kompetisie met ‘n enkele punt voor twee ander pare van Windhoek-klub beklink. Pieter Conradie en Anton Smit (83) is op uittel tweede geplaas voor Antonio Gamito en Hendrik du Toit (83 punte), met Melt van Schoor en Marco Vollgraaff op 82 punte. Van links staan Hugh Mortimer (Africa Sports Management Namibia, Albert de Klerk, Jared Matthews en Christo van der Merwe (King Price). Foto verskaf