Vivo Energy Windhoek Marathon stel rekord met 5 015 hardlopers

Vivo Energy Namibia het die vierde weergawe van die Vivo Energy Windhoek-marathon laas Saterdag uiters suksesvol vanaf Windhoek Hoërskool se FNB Vegkop-stadion aangebied, wat 'n rekordgetal van 5 015 geregistreerde hardlopers van oraloor Namibië gelok het.Die groeiende getalle deelnemers weerspieël die marathon se toenemende gewildheid en impak. Die getal inskrywings het die 4 500 deelnemers oortref wat tydens die 2025-weergawe aangeteken is.Die geleentheid het die hoofstad opnuut in 'n lewendige viering van welstand, gemeenskapsgees en sosiale impak omskep, met wedloopkategorieë oor afstande van 42.2 km, 21.1 km, 10 km of 5 km.In die volle marathon het Enock Haufiku die hoogste eer in die mansresies behaal toe hy die wenstreep in 'n indrukwekkende tyd van 2:23:12 oorgesteek het, terwyl Alina Armas die oorwinning in die vroue-afdeling in 2:52:11 behaal het.Beide atlete het nou hul derde Vivo Energy Windhoek-marathon-trofeë sedert 2023 gewen.As wenners van die halfmarathon is Daniel Paulus en Lavinia Haitope beide reeds hoëprofiel langasems – Paulus as die nasionale rekordhouer in die marathon vir mans, en Haitope as die onlangse wenner van die Kaapstad-marathon se 21.1 km wedloop. 42.2 km marathon, voorste uitslae (mans)1 Enock Haufiku – 2:23:122 Nahangwanasho Nghilyeendele – 2:26:243 Paulus Iiyambo – 2:33:244 Silvanus Namulo – 2:40:195 Jason Johannes – 2:44:166 Simon Modestus – 2:51:37 42.2 km marathon, voorste uitslae (vroue)1 Alina Armas – 2:52:112 Beata Naigambo – 3:01:383 Anna Amukoto –3:05:474 Loraine Janse van Rensburg – 3:33:02 21.1 km halfmarathon, voorste uitslae (mans)1 Daniel Paulus – 1:05:382 Fule Hamutima – 1:08:223 Sakaria Tangeni – 1: 08:504 Geson Koper – 1:11:525 Matheus Kadhingula – 1:12:21 21.1 km halfmarathon, voorste uitslae (vroue)1 Lavinia Haitope – 1:19:332 Ivonne Shelikita – 1:30:433 Jivanka Kruger – 1:34:094 Elmula Haasbroek – 1:37:145 Naemi Indongo – 1:43:12 10 km voorste uitslae (mans)1 Asser Nalukaku – 00:31:472 Matias Simon – 00:31:583 Petrus Nepwanga – 00:32:42 10m km voorste uitslae (vroue)1 Shiivomwene Shilongo – 00:37:492 Tuuliki Angala – 00:39.523 Ester Uutapama – 00:42:52 Vir die gemeenskapJohan Grobbelaar, besturende direkteur van Vivo Energy Namibia, het die voortgesette groei van die byeenkoms geprys en die sterk doelgerigtheid uitgelig wat sinoniem met die geleentheid geword het.“Die groei van die Vivo Energy Windhoek Marathon oor die afgelope vier jaar was werklik merkwaardig. Wat as 'n inisiatief vir gemeenskapswelstand begin het, het gegroei tot een van Namibië se mees gesogte sportgeleenthede, wat vanjaar alleen meer as 5 000 deelnemers gelok het,” het Grobbelaar gesê.“Wat veral bemoedigend is, is die groeiende aantal vroue wat in die marathon deelneem. Dit weerspieël die inklusiewe aard van hierdie geleentheid en die groeiende kultuur van gesondheid, fiksheid en bemagtiging in ons gemeenskappe.”Grobbelaar het beklemtoon dat die Vivi Energy marathon steeds vir meer as bloot atletiese prestasie staan.“Mense hardloop nie net vir medaljes of persoonlike bestes nie – hulle hardloop vir die gemeenskap. Oor die jare het die opbrengs van die marathon bygedra tot inisiatiewe wat fokus op verbeterde sanitasie en toegang tot gehalte-onderwys, veral in minderbevoorregte gemeenskappe in Katutura. Dit is wat hierdie geleentheid betekenisvol en volhoubaar maak.”Vivo Energy Namibia het dank uitgespreek teenoor alle borge, vennote, vrywilligers, tegniese spanne en deelnemers wie se bydraes die sukses van die geleentheid verseker het.Die maatskappy het verder die steun van sleutelvennote, insluitend die Windhoek-munisipaliteit, FinishTime, Pupkewitz Motors, ENS Africa en Motovac erken.Die Vivo Energy Windhoek Marathon is geposisioneer as 'n platform wat gesonde leefstyl, sosiale samehorigheid en gemeenskapsontwikkeling in Namibië bevorder.

Vivo Energy Windhoek Marathon stel rekord met 5 015 hardlopers

Kommentaar

Republikein 2026-07-15

Meld asseblief aan om kommentaar te lewer

Vivo Energy Windhoek Marathon stel rekord met 5 015 hardlopers

Kommentaar

Republikein 2026-07-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.