Tigers verbeter kanse om halfeindstryd te haal

Die 2026 Nedbank Desert Ice T20 Challenge is stadig maar seker besig om sy einde te nader. Die Etungo Kudus het Sondag hul laaste wedstryd gespeel, terwyl sommige van die ander spanne nog twee wedstryde oor het.Die Crazy Monkey CCD Tigers het Sondag by Wanderers ’n belangrike oorwinning teen die Etungo Kudus behaal. Dié sege kan hulle na die halfeindronde neem, maar dit hang af van die uitslag van hul laaste T20-wedstryd van die 2026 Nedbank Desert Ice Challenge komende Saterdag teen die BDO Gobabis Bulls.Die sestienjarige Louis Burger is as speler van die wedstryd aangewys ná sy uitstekende kolfbeurt van 64* (nie uit nie), waarin hy nege grenshoue (9x4) geslaan het. Burger het die beurt saam met Joshuan Julius (38) geopen. Hy het verder saam met Simon Shikongo (25) en Riego Julie (17*) gebou aan sy span se totaal van 154 vir twee in 20 boulbeurte.Stuart Pearce, wat op nommer vyf gekolf het, was die Kudus se uitstaande kolwer met 51 lopies van 28 balle en die enigste speler wat die Tigers se boulers werklik onder druk geplaas het.Krediet moet aan die Tigers se boulers gegee word wat die lopietempo deurentyd in bedwang gehou en die Kudus tot 124 vir agt beperk het. Hul kaptein, Johan Potgieter, was die ekonomiesste met net 2.67 lopies per boulbeurt afgestaan. Hy is gevolg deur Nicardo Pienaar (4), Stephen Negongo (5), Simon Shikongo (5.33), Quincy Beukes (6.33) en Takunda Matimbe (6.5).Tiaan Brandt van die Kudus het wel nie ’n paaltjie geneem nie, maar was ekonomies met 4.5 lopies per boulbeurt. Damon Coetzee (6) en Edgar Beuthin (6.67) het ook hul kant gebring.Tigers 154/2 (20 boulbeurte), Kudus 124/8 (20 boulbeurte)Tigers se lopiesJoshuan Julius 38 (35 balle, 6x4), Louis Burger 64* (56 balle, 9x4), Simon Shikongo 25 (20 balle, 2x6), Riego Julie 17* (11 balle, 2x4). Ekstras: 10. Grenshoue: 19 (17x4, 2x6).Kudus se boulsyfersDamon Coetzee 1/18 (3 boulbeurte, ekonomie 6), Zander Lombaard 1/34 (4, ekonomie 8.5), Tiaan Brandt 0/18 (4, ekonomie 4.5), Edgar Beuthin 0/20 (3, ekonomie 6.67), André van Niekerk 0/32 (3, ekonomie 10.67), Stuart Pearce 0/32 (3, ekonomie 10.67).Kudus se lopiesHendrik van der Walt 4 (6 balle, 1x4), John Valentin 11 (14 balle, 2x4), Edwill Twyman 6 (18 balle), André van Niekerk 16 (20 balle, 1x6), Zander Lombaard 1 (2 balle), Stuart Pearce 51 (28 balle, 3x4, 3x6), Edgar Beuthin 17 (24 balle, 1x4), Francois Botes 7 (3 balle, 1x6), Tiaan Brandt 3* (5 balle). Ekstras: 8. Grenshoue: 12 (7x4, 5x6).Tigers se boulsyfersJohan Potgieter 2/8 (3 boulbeurte, ekonomie 2.67), Quincy Beukes 2/19 (3, ekonomie 6.33), Kundai Sibange 2/20 (2, ekonomie 10), Simon Shikongo 1/16 (3, ekonomie 5.33), Riego Julie 1/24 (2, ekonomie 12), Nicardo Pienaar 0/12 (3, ekonomie 4), Stephen Negongo 0/10 (2, ekonomie 5), Takunda Matimbe 0/13 (2, ekonomie 6.5).Die twee halfeindstryde en die eindstryd van die reeks word onderskeidelik op 1 en 2 Augustus beslis.Elke span speel sewe wedstryde. Die topvier spanne kwalifiseer vir die halfeindronde. Die volgende spanne het nog wedstryde oor: Run Whisperers (drie), Green Mambas, Gobabis Bulls en Central Sunrisers (twee elk), en Tigers (een).PunteleerGreen Mambas – 8 punte (4 uit 5 gewen)Gobabis Bulls – 8 (4 uit 5)Tigers – 8 (4 uit 6)Run Whisperers – 6 (3 uit 4)Central Sunrisers – 4 (2 uit 5)Warriors – 4 (2 uit 7)Kudus – 4 (2 uit 7)Zebras – 4 (2 uit 7)– tielman5.tvl@gmail.com

Tigers verbeter kanse om halfeindstryd te haal

Kommentaar

Republikein 2026-08-11

Meld asseblief aan om kommentaar te lewer

Tigers verbeter kanse om halfeindstryd te haal

Kommentaar

Republikein 2026-08-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.