Suid-Afrika behaal volpunte by Jukskeipark

Suid-Afrika se spanne het Vrydag die botoon gevoer vir 'n skoon wenrekord in hul internasionale jukskeireeks teen die buurland Namibië by Jukskeipark in Olympia, Windhoek.

Gewoonlik slaag Jukskei Namibië se onderskeie ouderdomsgroepspanne daarin om 'n verrassing of twee gedurende die reeks te lewer, en Vrydag was veral mededingend in drie uitslae van 8-7, maar uiteindelik het die besoekers in Groen en Goud in elke afdeling die laaste sê gehad.

Mans 60 en ouer: Suid-Afrika klop Namibië 10.5 teen 4.5

Vroue 60 en ouer: Suid-Afrika klop Namibië 9.5 teen 5.5.

Mans onder 30: Suid-Afrika klop Namibië 8-7.

Vroue onder 30: Suid-Afrika klop Namibië 8-7.

Senior mans: Suid-Afrika klop Namibië 10.5 teen 4.5.

Senior vroue: Suid-Afrika klop Namibië 13-2.

Mans 50 en ouer: Suid-Afrika klop Namibië 8-7.

Vroue 50 en ouer: Suid-Afrika klop Namibië met 12-3.

Die president van Jukskei Namibië, Erik Strauss, sê: “Ons week het Maandag met die Namibiese kampioenskap begin en tot Donderdag geduur, waarna die spanne vir die toetse teen Suid-Afrika aangekondig is.

“Die wedstryde teen Suid-Afrika het baie goeie jukskei opgelewer en verskeie van die wedstryde was tot in die laaste oomblikke in die weegskaal. Die gees tussen die twee buurlande se spanne was ook iets besonders.”

Die aangewese Namibiese spanne was:

Mans 50 en ouer: Arend de Waal, Michael Duvenhage (leier), Marius Esterhuyzen, Andries van Wyk, Dries Verwey. Afrigter: Francois Boshoff.

Mans 60 en ouer: Francois Boshoff (leier), Dries van Wyk, Johan Viljoen, Edmund Strauss, Jaco Esterhuyzen. Afrigter: Michael Duvenhage; spanbestuurder Lukas Shikundule.

Vroue 50 en ouer: Emarie Horn (leier), Heleen Steenkamp, Elize Duvenhage, Petro Beyleveld. Afrigter: Edmund Strauss.

Vroue 60 en ouer: Elmarie Horn (leier), Heleen Steenkamp, Elize Duvenhage, Petro Beyleveld. Afrigter: Arend de Waal.

Mans onder 30: Jurie Engelbrecht (leier), Rudolf Horn, Corne Esterhuyzen, Jandre Esterhuyzen. Afrigter Dries Verwey.

Vroue onder 30: Jo-Marie Verwey, Jo-Marie Maritz, Rianie Esterhuyzen (leier), Marnelle Esterhuyzen. Afrigter: Gielieana Boshoff.

Senior mans: Japie Dreyer (leier), Jurie Engelbrecht, Rudolf Horn, Corné Esterhuyzen. Afrigter: Francois Boshoff; spanbestuurder Junias Ndjulwa.

Senior vroue: Ina Dreyer, Anelda Horn (leier), Tienie Duvenhage, Rianie Esterhuizen. Afrigter: Heleen Steenkamp.