Skouspelagtige toernooi begin oor 50 dae

Altesaam drie venues in die VSA en ses in die Karibiese Eilande sal vir die ICC se naderende 2024 T20-Wêreldbekertoernooi in Juniemaand gebruik word. Tien van die 20 spanne sal hul eerste wedstryd van die 29-dae-toernooi in die VSA speel, met 16 wedstryde wat in Lauderhill, Dallas en New York gehou sal word en die reuse-kragmeting tussen Indië en Pakistan geskeduleer vir die nuwe Nassau County Internasionale Krieketstadion in Long Island op 9 Junie.Een-en-veertig wedstryde sal in die Karibiese Eilande op ses verskillende eilande gespeel word, met halfeindstryde in Trinidad en Tobago en Guyana en die finaal wat op 29 Junie in Barbados voorlê.Die toernooi sal op 1 Junie begin met die mede-gasheer, die VSA, wat sy buurland Kanada die stryd aans Die medegasheerspan, die Wes-Indiese Eilande, sal op die tweede dag van die groepfase teen Papoea-Nieu-Guinee in Guyana speel. Op dieselfde dag takel die Namibiese Richelieu Eagles vir Oman.Die toernooi begin in vier groepe wat elk uit vyf spanne bestaan, met die twee topspanne in elke groep wat dan na die Super Agt-fase vorder, voor die halfeindronde en eindstryd.Aartsvyande Indië en Pakistan, sowel as Kanada in hul eerste verskyning by die byeenkoms, sowel as die Europese kant van Ierland, sluit aan by mede-gasheer VSA in Groep A.Groep B bestaan uit die laaste twee wenners van die T20 Wêreldbeker vir mans in Engeland en Australië, met die twee wat Namibië, Skotland en Oman die stryd aansê.Die Wes-Indiese Eilande is saam met Nieu-Seeland, Afghanistan, Uganda en Papoea-Nieu-Guinee in groep C geplaas, terwyl Suid-Afrika, Sri Lanka, Bangladesj, Nederland en Nepal in Groep D teen mekaar speel.Die toernooiprogram vir die Namibiese EaglesSondag 2 Junie in Barbados (aandwedstryd): Namibië tn Oman. Donderdag 6 Junie in Barbados (middagwedstryd): Namibië tn Skotland. Dinsdag 11 Junie in Antigua (aandwedstryd): Australië tn Namibië. Saterdag 15 Junie in Antigua (middagwedstryd): Namibië tn Engeland. Die Super 8-fase begin op Woensdag 19 Junie. Die twee semifinale is op Woensdag en Donderdag 26 en 27 Junie, voor die finaal in Barbados op Saterdag 29 Junie. – tielman@nmh-hub.com

Skouspelagtige toernooi begin oor 50 dae

Kommentaar

Republikein 2026-08-12

Meld asseblief aan om kommentaar te lewer

Skouspelagtige toernooi begin oor 50 dae

Kommentaar

Republikein 2026-08-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.