Schoeman eindig vooraan Munga Grit Le Dur se 535 km

Die Munga Grit Le Dur Namibia, jaarliks die langste selfondersteunde ultra-fietsresies in Namibië, is die afgelope Vrydag tot Sondag in die Outjo-omgewing in die Kunenestreek aangebied.Nadat vier ryers vroeg in die hoofresies oor nagenoeg 535 weggebreek en bykans enduit saam aan die voorpunt gebly het, het Stefan Schoeman seker gemaak dis ‘n Namibiër wat in die eerste posisie die eindstreep haal.Schoeman het agterna geskryf: “Dit was nooit net my eie oorwinning nie, maar moet gedeel word met drie uitsonderlike ryers – Piet Laubscher (tweede), Coenraad Steenkamp (derde) en Maruen Kleopas (vierde). Respek!”Schoeman het die afstand in 22 ure 34 minute 53 sekondes voltooi toe hy Saterdagoggend voor sonopkoms die eindstreep gehaal het.Die twee Suid-Afrikaners Piet Laubscher – kort op sy hakke in 22:35:21 – en Coenraad Steenkamp (22:46:35) asook Kleopas (22:57:22) was by elk van die ses waterpunte op die roete saam met Schoeman en het almal die afstand in minder as 23 ure klaargemaak.Kleopas, die tweede Namibiese voltooier, se vasberadenheid het waarnemers grootliks beïndruk. Hy het nie net op ‘n bergfiets bygehou teen die ander manne se grondpadfietse (“gravel bikes”) nie, maar sy fietslig het hom boonop ‘n ent voor die einde in die steek gelaat en hy moes ‘n stuk pad in die donker ry om die eindstreep te haal.Nicola Sauber was die eerste vrou oor die eindstreep in die ultra-resies waarin ryers van GPS-navigasie gebruik maak. Sauber was omtrent een uur ná die manswenner in die algehele sewende posisie (28 ure 40 minute 15 sekondes), met Therald Murch en FC Smith (sesde en sewende in 27 ure 47 minute) die enigste ander mans voor haar.Die spertyd van 50 ure was selfs binne die bereik van die laaste van die 50 voltooiers van vanjaar se resies, Nico Badenhorst in ‘n raps onder 42 ure. Voltal van vyfDie gesoute Namibiër Hentie Hough (14de in 31 ure 24 minute) het die eerste ryer geword wat elk van die vyf weergawes van die Munga Grit Le Dur die afgelope vyf jaar in vyf verskillende streke van die land klaarmaak.Die Khomasstreek was in die debuutjaar die gasheer, gevolg deur die ooste, weste, suide en nou ook die noorde. Hierdie patroon sal voortaan in dieselfde volgorde roteer.• Ander kategorieë se voorste uitslae: 230 km (spertyd 24 ure / 1,460m vertikale klim)1 Geano Tangeni Ikela, 8 ure 00 minute 30 sekondes.2 Jano Roux, 8:08:14.3 Jaco Snyman, 8:09:30.4 Goddard Husselman, 8:15:08.5 Luanne van der Schyff, 8:16:48. 100 myl (160 km)1 Marissa Mouton, 5 ure 05 minute 20 sekondes.2 Roland Neuburg, 5:41:29.3 Danie Slabbert, 5:54:444 Martin Jonker, 6:02:245 Rudolf Oosthuizen, 6:02:26.• In vandag se episode van Gooi Kole (13:30 op NTV, kanaal 285 op DStv, asook op https://oneuptwo.com/ntv) gesels die organiseerder Sybrand de Beer meer oor die Munga Grit Le Dur.

Schoeman eindig vooraan Munga Grit Le Dur se 535 km

Kommentaar

Republikein 2026-07-01

Meld asseblief aan om kommentaar te lewer

Schoeman eindig vooraan Munga Grit Le Dur se 535 km

Kommentaar

Republikein 2026-07-01

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.