SA voeg toetskrieket by sy lys van wêreldkampioenskappe!

Suid-Afrika is nou ook wêreldkampioene in toetskrieket!Die Proteas het hierdie titel Saterdag op briljante wyse ingepalm deur die magtige Australiese span op Lord’s in Engeland te klop.Suid-Afrika is nou die wêreldkampioene in toetsrugby, in sewesrugby, in aflos en spog ook met wêreldtitels in gemengde gevegskuns danksy Dricus du Plessis (UFC) en die wêreld se sterkste man in Rayno Nel.Temba Bavuma, Suid-Afrika se kaptein, het die Wêreldbeker in toetskrieket kort voor 14:00 (Suid-Afrikaanse tyd) gelig nadat die span Australië op die vierde dag as wêreldkampioen onttroon het.Bavuma, wat Vrydag met ’n beseerde dyspier ’n vasbyt-beurt gespeel het, het met ’n oorverdowende gejuig van die skare die trofee gelig.Dié buksie was een van die span se helde teen seker die beste boulers in die wêreld. Hy en Aiden Markram, aanvangskolwer, het met ’n vegters-vennootskap die vaandel gedra.Markram se 136 lopies sal vir lank onthou word as een van die beste beurte deur ’n Protea-kolwer toe sy land dit die heel nodigste gehad het.“Suid-Afrika!!!!” het dit wyd oor die wêreld onder Suid-Afrikaanse ondersteuners weergalm toe die toetsspan nóg ’n glorieryke sportdag in die land se geskiedenis verseker het.“Dit is vir elke krieketspeler wat ’n aandeel gehad het in die pragtige krieketgeskiedenis van die Reënboognasie,” het iemand hulde op X gebring aan spelers van Hansie Cronjé, AB de Villiers, Hashim Amla, Jacques Kallis en Laura Wolvaardt tot by Kepler Wessels en Herchelle Gibbs.– Netwerk24

SA voeg toetskrieket by sy lys van wêreldkampioenskappe!

Kommentaar

Republikein 2025-11-05

Meld asseblief aan om kommentaar te lewer

SA voeg toetskrieket by sy lys van wêreldkampioenskappe!

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.