Ryers slaag Wintertoer se uitdaging

Die jaarlikse Wintertoer vir bergfietsryers is die afgelope naweek vir die elfde keer gehou.Die ryers is gehuisves deur Saroa Safari Lodge, sowat 150 km oos van Windhoek, waar Carina en Albert en hul span met warmte na hulle omgesien het.Soos altyd is die toer ’n geleentheid vir deelnemers om vir hulself nuwe afstand uitdagings te stel en dit te probeer oortref. Vrydag se roete was oor ’n totale afstand van 103 km, Saterdag 99 km en Sondag het die groep die sand aangedurf en die tegniese kant daarvan deurgegaan. Ryers kon óf die hele daaglikse afstand ry, óf enige gedeelte daarvan. Elkeen kan sy of haar eie pas ry, met geen tydhouding daaraan gekoppel nie. Dit bring die ryer in ’n meer ontspanne luim en hulle kan die ervaring ook meer geniet.Buiten die wind het ons baie goeie weer gehad met die erge koud wat eers teen Maandag ingekom het.Families, vriendegroepe asook individue het die naweek aangegryp om in die buitelug te kom en in die ontspanne atmosfeer van die toer te kon ry. ’n Hele paar nuwe persoonlike langste afstande is bereik, naamlik deur Hanru du Preez (70 km), Betsie Koster (95 km) en Andrea Horsthemke (60 km), Paul Schroeter (103 km) en Jaysiel Soni (30 km).Die organiseerder Johan Fourie sê: “Ek bedank graag die volgende borge vir hul ondersteuning tot die toer: Superspar The Grove, Rhodes Foods, Cymot, Pupkewitz Lexus, Chiwani Safari Camps, Saroa Safari Lodge asook anonieme individue."Volgende op die kalender vir Johan’s Training Center is die 3Passes Bergfietstoer wat vanjaar in die Khomas Hochland gaan plaasvind. Inligting hieroor sal binnekort op die sentrum se Facebook-blad verskyn."

Ryers slaag Wintertoer se uitdaging

Kommentaar

Republikein 2025-11-03

Meld asseblief aan om kommentaar te lewer

Ryers slaag Wintertoer se uitdaging

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.