Rugbyskole slyp hard in voorseisoen

Rugbyskole betrokke in die komende seisoen van die Standard Bank o.19 premierliga is reeds goed gevorder om hul eerste spanne slaggereed te kry.Op Swakopmund sou Walvisbaai Privaatskool gistermiddag in die vierde en laaste toerwedstryd vir die besoekende Falcon College van Zimbabwe gespeel het.Die Zimbabwiese privaatskool naby Bulawayo het verlede week hul openingswedstryd teen Windhoek Afrikaanse Privaatskool met 26-15 gewen. Twee dae later het hulle by die Lions Den-veld teen Windhoek Gimnasium uitgedraf en nadat beide spanne drie drieë gedruk het, het Falcon College se laaste verbroude doelskop hulle ‘n nederlaag met 20-22 gekos.Die Zimbabwiërs het hierna na die kusstreek aanbeweeg, waar hulle Maandag op Swakopmund aanvanklik in ‘n sterk posisie teen Pro-Ed Akademie was.In ’n opwindende tuiswedstryd het Pro-Ed ‘n agterstand van 12 punte in die eerste helfte uitgewis om met 27-21 die oorhand tee kry.Pro-Ed se nuwe hoofafrigter Frans Joubert sê sy manne het karakter gewys. “Met gestruktureerde spel en stewige verdediging het die Wolfpack sterk teruggekom in die tweede helfte.“Ons voorspelers het groot impak gemaak, veral in die skrums, en het fisiek gedomineer. Ons kaptein Jivaldo Pienaar het sy span met passie en fokus gelei en sy kragtige drie het die momentum in Pro-Ed se guns geswaai.”Pienaar, Marc Holloway (losskakel en senter), Oliver van Wyk (slot), Xavier Cloete (losskakel) en JC Labuschagne (flank) het punte vir die wenspan aangeteken.Joubert voeg by: “Baie dankie aan Falcon College vir ’n harde, maar sportiewe wedstryd; dit was ’n voorreg om julle in Swakopmund te hê!”WHS Koedoebulle op toerNamibië se heersende kampioen Samsung Windhoek Hoërskool het pas van sy deelname aan St. Stithians se Paastoernooi in Johannesburg teruggekeer, met een gewen en twee verloor.WHS se oorwinning was teen Clifton College (32-10), terwyl hulle teen Musandili Mali van die Oos-Kaap (22-43) en St. Charles van Pietermaritzburg (22-38).Hoofafrigter Jan Dames eken die Koedoebulle het oorwegend goeie rugby gespeel. “Ons opponente by St. Stithians was goeie spanne. Vir ons was dit ondervinding en goed om die seuns te sien speel. “Spelers wat goed gevaar het, sluit in William Beukes, agtsteman Pieter-Jan Strydom, slotte Isahia Kazondovi en Keanen Louw, asook die senter Eathen Sinden.“So vroeg in die jaar maak ons nog foute, maar ons leer daaruit. ‘n Paar jongmanne in die groep het ook hand opgesteek, soos Damian Klein op skrumskakel.”WHS-spanne (eerste, tweede en o.16) het voor die Paastoernooi ook aan die Patriot-fees in Kuilsrivier, Kaapstad, deelgeneem. Die eerstespan het teen Brackenfell verloor (12-24), maar was aan die wenkant teen Piketberg (24-12) en klop Hamiltons-rugbyklub se o.19-span (29-22). Die skrumskakel Dominique Isaaks en stut Cashton Cloete is gekies vir die Patriot-toerspan na Nederland in Desember.&bull; Windhoek Gimnasium Leeus, onder afrigterskap van Mauritz Thirion, Jaco Engels en Vince Dreyer, is op pad om met twee spanne in die Wes-Kaap te gaan toer. Wedstryde teen Tygerberg en Daniël Pienaar is onder meer op hul eerstespan se program.

Rugbyskole slyp hard in voorseisoen

Kommentaar

Republikein 2026-05-05

Meld asseblief aan om kommentaar te lewer

Rugbyskole slyp hard in voorseisoen

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.