Roger en Delsia steek kleim in Afrika af

Namibië se beste junior fietsryers is in die topgeselskap in Afrika, op ‘n vlak waar straks net deur Eritrea en Suid-Afrika oortref word.Dié opsomming kom van die nasionale fietsry-afrigter Hans du Toit ná die afhandeling van die Konfederasie van Afrika-fietsry (CAC) se kontinentale padfietskampioenskap wat by Kwale naby Mombasa in Kenia aangebied is.Roger Surén het Sondag die bronsmedalje in die 107.6 kilometer padresies vir junior mans ingepalm, as derde ryer oor die eindstreep ná Natan Tesfalem (Eritrea) en Paul Miro (Uganda).Altesame 51 ryers van twintig lande was in die junior mans padresies verteenwoordig.Surén se medalje was Namibië se eerste by ‘n Afrika-kampioenskap vir junior mans sedert Brandon Plaatjies in 2015 in Pietermaritzburg ook ‘n brons verwerf het.Du Toit sê: “Roger se bronsmedalje was ‘n puik prestasie. Dit was ‘n baie harde resies en ietwat deurmekaar, veral teen die einde. Daar is ‘n beampte op ‘n motorfiets wat gewoonlik vir die fietsryers aandui wat die tydverskil teenoor die opponente voor hulle is, maar Roger was onbewus van die twee voorste ryers wat weggebreek het en die ryer was nie oor die laaste 10 km beskikbaar nie.“Dit het nogal ‘n invloed gehad. Maar die feit dat Roger so sterk gery het ondanks tyd wat hy vanweë sy skooleksamens nie behoorlik fietsry kon oefen nie, was regtig ‘n goeie teken.”Marco Thiel (14de) het ook goed gery om een posisie agter Tristan Hardy van Mauritius klaar te maak, wat die Afrika-goud in die individuele tydtoets beklink het.Du Toit voeg by: “Ek sien baie uit na die komende Afrika Jeugspele (in Desember in Angola) waar ons ook vier baie sterk ryers o.16-stuur.“Delsia Janse van Vuuren was ook uitstekend in haar junior vroue padresies (64.5 km).”Janse van Vuuren was vyfde oor die eindstreep, met net twee Afrika-nasies voor haar, naamlik die silwermedaljewenner van Rwanda en drie Ethiopiese ryers. Die wedren het met 23 ryers van elf nasies weggespring en het geëindig met ‘n finale groepresies na die eindstreep waarin die voorste elf ryers met dieselfde tyd klaargemaak het en met behulp van die video-kykweer is hul posisies bepaal.Elite mans en vroueAlex Miller (25ste), Martin Freyer (40ste) en Theuns van der Westhuizen (buite die toegelate tydsgrens) se uitslae in die elite mans se padresies van 163.8 kilometer klink nie besonder vleiend nie, maar getuig onder meer van die sterk kompetisie.“Alex en Martin het baie goed gery en was tot laat in die resies goed geposisioneer. Ongelukkig was die getalle teen ons, met sommige lande wat met agt of tien inskrywings op spanwerk kan staatmaak. Dit maak sake moeilik, maar beide ons ryers het goed gery.“Veral vir Alex (‘n professionele ryer vir Team Swatt Club) was dit ‘n baie lang seisoen, met die groot doel om voorbereiding en ervaring op te doen vir die volgende Olimpiese kwalifiserende resies wat in 2027 voorlê (vir die 2028 Spele in Los Angeles),” sê Du Toit.Anri Greeff het die beste gevaar van die Namibiese elite vroueryers met haar negende plek – opnuut (net soos vir Freyer) ‘n pluimpie vir ryers wat nie voltyds professioneel gekontrakteer is nie.In die elite vroueresies – gewen deur Hayley Preen van Suid-Afrika – was die Namibiese debutant Louise Breed 33ste oor die eindstreep en Olivia Shililifa 36ste uit die 52 wat weggespring het.OndersteuningDu Toit sê die feit dat die regering deur die ministerie van sport finansieel bygedra het om ‘n nasionale span na die Afrika-padfietskampioenskap te stuur, was die eerste keer vandat hy as afrigter betrokke is en het ‘n groot verskil gemaak.“Ons is baie dankbaar hiervoor; ook vir die Namibiese Nasionale Olimpiese Komitee en toe Windhoek Pedal Power met die laaste oorblywende kostes. Ons hoop van harte dat die uitslae as bewys dien dat hulle ondersteuning werklik tot ‘n verbetering in die vlak van ons fietsry bydra. Veral met die juniors se sukses het ons tot ‘n groot mate in ons doelwitte geslaag.”

Roger en Delsia steek kleim in Afrika af

Kommentaar

Republikein 2026-01-13

Meld asseblief aan om kommentaar te lewer

Roger en Delsia steek kleim in Afrika af

Kommentaar

Republikein 2026-01-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.